Anant's engagement मुकेश अंबानी यांचा मुलगा अनंतची एंगेजमेंट

27 मजली  Antiliaमध्ये तयारी सुरू 

आशियातील दुसरे सर्वात श्रीमंत व्यक्ती मुकेश अंबानी यांचे अँटिलिया देशातील टॉप-10 सर्वात महागड्या घरांमध्ये पहिल्या क्रमांकावर आहे. मुंबईतील अल्टामाउंट रोडवर उभ्या असलेल्या या 27 मजली आलिशान इमारतीची अंदाजे किंमत 12,000 कोटी रुपये आहे. या घरात गुरुवारी संध्याकाळी अनंत अंबानी आणि राधिका मर्चंटचा भव्य एंगेजमेंट सोहळा पार पडणार आहे.

श्रीनाथजींच्या मंदिरात झाला होता रोका  

मुकेश अंबानी आणि नीता अंबानी यांची धाकटी सून राधिका मर्चंट यांच्या स्वागतासाठी अँटिलियामध्ये तयारी जोरात सुरू झाली आहे. राधिका ही ज्येष्ठ भारतीय उद्योगपती आणि एनकोर हेल्थकेअरचे सीईओ वीरेन मर्चंट यांची मुलगी आहे. अनंत अंबानी आणि राधिका यांचा रोका सोहळा गेल्या वर्षी 29 डिसेंबर 2022 रोजी राजस्थानमधील श्रीनाथजी मंदिरात पार पडला होता. विशेष म्हणजे, अंबानी कुटुंबाची श्रीनाथजी मंदिरावर खूप श्रद्धा आहे आणि कोणतेही नवीन काम सुरू करण्यापूर्वी मुकेश अंबानी नक्कीच येथे जातात.
Edited by : Smita Joshi