रामदेवांनी इंग्रजी औषधांची खिल्ली उडवली, सर्वोच्च न्यायालयाने माफीनामा स्वीकारला नाही

वैद्यकीय उपचारांचा दावा करणाऱ्या जाहिराती प्रकाशित केल्याबद्दल पतंजली आयुर्वेदाविरुद्ध सर्वोच्च न्यायालयात अवमान प्रकरणाची सुनावणी सुरू आहे. पतंजलीचे एमडी आचार्य बाळकृष्ण आणि रामदेव यांना आज सर्वोच्च न्यायालयात हजर राहण्याचे निर्देश देण्यात आले आहेत. सुनावणीदरम्यान रामदेव यांच्या वकिलाने सांगितले की, रामदेव यांना कोर्टाची माफी मागायची आहे.

या प्रकरणाची सुनावणी करणाऱ्या खंडपीठाचा भाग असलेल्या न्यायमूर्ती हिमा कोहली म्हणाल्या की, केवळ सर्वोच्च न्यायालयच नाही तर देशातील कोणत्याही न्यायालयाच्या आदेशांचे उल्लंघन केले जाऊ नये. तर दुसरीकडे रामदेव यांनी आपण बिनशर्त माफी मागण्यास तयार असल्याचं म्हटलं आहे.

पतंजली आणि रामदेव यांनी आपल्या औषधांची जाहिरात करण्यासाठी इंग्रजी औषधांची खिल्ली उडवल्याची समस्या आहे, असे सर्वोच्च न्यायालयाने म्हटले आहे. सुप्रीम कोर्टाने नाराजी व्यक्त करताना म्हटले आहे की, "21 नोव्हेंबरला कोर्टाचा आदेश दिल्यानंतर दुसऱ्या दिवशी पत्रकार परिषद घेण्यात आली. त्यात बाळकृष्ण आणि रामदेव उपस्थित होते. तुमची माफी पुरेशी नाही कारण सुप्रीम कोर्टात सुनावणी सुरू होती. आणि पतंजलीच्या जाहिराती छापण्यात आल्या. तुमचा मीडिया विभाग तुमच्यापेक्षा वेगळा नाही. तुम्ही असे का केले ? तुम्हाला नोव्हेंबरमध्ये इशारा देण्यात आला होता, तरीही तुम्ही पत्रकार परिषद घेतली त्यामुळे कारवाईसाठी तयार राहा. हे देशातील सर्वात मोठे न्यायालय आहे. तुम्ही कायद्याचे उल्लंघन कसे केले ? कोर्टात हमीपत्र देऊनही तुम्ही कायद्याचे उल्लंघन केले. तुम्ही निकालासाठी तयार रहा."