सिद्धिविनायकाच्या पूजेच्या ताटात श्रीफळ नाही

अंगारकी चतुर्थीनिमित्त सिद्धिविनायक मंदिरात जाणा-या भाविकांना पूजेच्या ताटात श्रीफळ  नेता येणार नाही.  भाविकांची होणारी ही गर्दी पाहता सुरक्षेच्या कारणास्तव सिद्धीविनायक मंदिरात श्रीफळ घेऊन जाण्यास मनाई करण्यात आली आहे. मंदिर प्रशासन आणि पोलिसांनी हा निर्णय घेत श्रीफळ नेण्यास मनाई केली आहे. मंदिराबाहेर कडेकोट पोलीस बंदोबस्त ठेवण्यात आला आहे. अंगारकी चतुर्थीनिमित्त सिद्धीविनायक मंदिरात होणा-या भाविकांच्या गर्दीचा गैरफायदा घेऊन काही घातपात घडवू नये म्हणून हा निर्णय घेण्यात आला असल्याचं पोलिसांनी सांगितलं आहे.