पुण्यात मद्यधुंद डंपर चालकाने फूटपाथवर झोपलेल्या 9 जणांना चिरडले

मिळालेल्या माहितीनुसार वाघोलीतील केसनंद फाटा परिसरात रविवारी रात्री 12.30 वाजण्याच्या सुमारास डंपरचालकाने फूटपाथवर झोपलेल्या लोकांना चिरडून हा अपघात झाल्याचे बोलले जात आहे. वैभवी पवार 1, वैभव पवार 2 आणि विशाल पवार 22  अशी अपघातातील मृतांची नावे आहे. तसेच अपघातात मृत्युमुखी पडलेले व जखमी हे सर्व मजूर कुटुंबातील असून ते अमरावती येथून येथे आले होते. रस्त्याच्या कडेला फूटपाथवर हे सर्वजण झोपलेले असताना एका भरधाव डंपर मद्यधुंद चालकाने या झोपलेल्या लोकांना चिरडले. जखमींपैकी तिघांची प्रकृती चिंताजनक आहे.

Edited By- Dhanashri Naik