Marathi Biodata Maker
✕

निखिल वागळेंवर हल्ला : 'जिवंत असेपर्यंत संघर्ष करणार'

Updated: शनिवार, 10 फेब्रुवारी 2024 (09:50 IST)
 
पुण्यातील साने गुरूजी स्मारकातील निळू फुले सभागृहात ही सभा पार पडली.
 
पुणे पोलिसांनी काय माहिती दिली?
पुणे पोलिसांनी ANI शी बोलताना सांगितलं की, "कार्यक्रमाला पोलिसांनी परवानगी दिली नव्हती. तरीही ते (निखिल वागळे) येऊ इच्छित होते, म्हणून आम्ही इथे बंदोबस्त केला होता. इथे येताना कुणीतरी दगडफेक केली. आरोपींना शोधून कारवाई करू."
 
डेक्कन पोलीस ठाणे आणि विश्रामबाग पोलीस ठाण्यात हल्ल्यासंदर्भात गुन्हा दाखल करण्याची प्रक्रिया सुरू असल्याचंही पोलीस म्हणाले.
 
निखिल वागळेंवर हल्ला करणाऱ्यांपैकी 26 जणांना आतापर्यंत अटक करण्यात आलीय.
 
जिवंत असेपर्यंत संघर्ष करणार - वागळे
या सभेला उपस्थित राहिल्यानंतर भाषणात निखिल वागळे म्हणाले की, "आमचा वाहनचालक वैभव आणि राष्ट्रवादीचे (शरद पवार गट) प्रशांत जगताप यांच्या कार्यकर्त्यांनी हल्लेखोरांना अंगावर घेतलं, म्हणून आम्ही आज जिवंत आहोत. कारण हल्लेखोरांचा गट आमच्या वाहनावर अक्षरश: चढलं होतं आणि फोडाफोडी केली."
 
"जोपर्यंत आम्ही जिवंत आहोत, तोपर्यंत आम्ही संघर्ष करणार. या भारताचा 'हिंदू पाकिस्तान' होऊ देणार नाही. ही साधी लढाई नाही, ही फॅसिझमविरोधातली लढाई आहे," असंही वागळे म्हणाले.
 
"जोपर्यंत छत्रपती शिवाजी महाराज, फुले-शाहू-आंबेडकर आणि सर्व संतांचा आशीर्वाद आहे, तोवर तुम्ही आम्हाला संपवू शकत नाही," असं वागळे म्हणाले.
पोलिसांनी पूर्वप्रतिबंधात्मक कारवाई का केली नाही? - अंधारे
शिवसेनेच्या नेत्या सुषमा अंधारे यांनी निखिल वागळेंवरील हल्ल्याचा निषेध व्यक्त करत, कायदा सुव्यवस्थेवर प्रश्नचिन्ह उपस्थित केला आहे.
विरोधी पक्षनेत्यांनी केला हल्ल्याचा निषेध
विधानसभेचे विरोधी पक्षनेते विजय वडेट्टीवर यांनीही निखिल वागळेंवरील हल्ल्याचा निषेध व्यक्त केलाय.
 
विजय वडेट्टीवर म्हणाले, "निखिल वागळे लोकशाही मार्गाने आपले विचार जनतेपुढे मांडत आहे. गाडी फोडून, निखिल वागळे यांच्यावर हल्ला करणे या पद्धतीने त्यांच्या विचारांना विरोध करणे निषेधार्ह आहे.
 
"नियमांचे पालन करून कार्यक्रम करण्याचा अधिकार सगळ्यांना आहे.पण भाजपने इतका काय धसका घेतला आहे की आज थेट हल्लाच केला? सत्ताधारी कायदा हातात घेत आहे हेच आम्ही सांगत आहोत यातून राज्यात तणाव वाढत आहे जनतेमध्ये भीतीचे वातावरण निर्माण होत आहे," असंही वडेट्टीवार म्हणाले.
 
राष्ट्रवादीच्या खासदार सुप्रिया सुळे यांनीही निखिल वागळेंवरील हल्ल्याचा निषेध व्यक्त करत, राज्यातील कायदा-सुव्यवस्थेवर प्रश्न उपस्थित केला आहे.
या' ट्वीटवरून वाद
निखिल वागळेंनी एक्स (पूर्वीचे ट्विटर) वर लालकृष्ण आडवणींसंबंधी ट्वीट केले होते. आडवाणींना 'भारतरत्न' पुरस्काराची घोषणा झाल्यानंतर हे ट्वीट केले होते.
 
या ट्वीटमध्ये निखिल वागळे म्हणतात की, "आडवाणींना भारतरत्न म्हणजे एका दंगलखोराने दुसऱ्या दंगेखोराला दिलेली शाब्बासकी!"
 
Published By - Priya Dixit 
 
 

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

ब्रिटनचे प्रिन्स विल्यम पत्नीसोबत भारत दौऱ्यावर; मुंबईत महान क्रिकेटपटू सचिन तेंडुलकर यांची भेट घेतली

LIVE: नागपूर जिल्ह्यातील शेतकऱ्यांना प्राण्यांपासून पिकांचे संरक्षण करण्यासाठी सौर ऊर्जेवर चालणारी उपकरणे मिळणार

महाराष्ट्र सरकारचा मोठा उपक्रम; महिला कैद्यांसाठी खुल्या तुरुंग वसाहती, जिथे पात्र कैदी त्यांच्या कुटुंबासोबत राहू शकतील

सणासुदीत इलेक्ट्रिक कार्सचा धमाका! विक्रीत तब्बल ६९% वाढ; पेट्रोल-डिझेल गाड्यांना टाकले मागे

कोकणवासीयांसाठी आनंदाची बातमी! नवी मुंबई ते सिंधुदुर्ग विमानसेवा आजपासून सुरू

पुढील लेख
Show comments