वसंत मोरे यांच्या अडचणीत वाढ; पुण्यात गुन्हा दाखल

मिळालेल्या माहितीनुसार, वसंत मोरे यांनी त्यांच्या सोशल मीडियाच्या अकाऊंटवरून एक वादग्रस्त पोस्ट शेअर केली. त्यांची ही पोस्ट दोन गटांत तेढ निर्माण करणारी होती. तसेच या पोस्टमुळे शांतता भंग होण्याची शक्यता होती. या पोस्ट मुळे समाजात चुकीचा संदेश जात असल्याचे निदर्शनास आल्यावर पुणे पोलीस सक्रिय झाली आणि प्रकरणाची गंभीर दखल घेतली. 

पोलिसांनी चिथावणीखोर विधान केल्याबद्दल चौकशीअंती भारतीय न्याय संहितेच्या कलमांतर्गत वंसत मोरे यांचावर गुन्हा दाखल केला आहे. सायबर शाखेच्या मदतीने या पोस्टच्या तांत्रिक बाबींचीही तपासणी केली जात आहे.

या कायदेशीर कारवाईमुळे त्यांच्या अडचणीत वाढ होण्याची शक्यता आहे. “अभिव्यक्ती स्वातंत्र्याचा वापर करताना सामाजिक जबाबदारीचे भान राखणे गरजेचे आहे,” असे मत पोलीस प्रशासनाकडून व्यक्त करण्यात आले आहे. या प्रकरणाचा पुढील तपास पोलीस करत आहे. 

Edited By - Priya Dixit