Bhandara By-election 2026: ग्रामपंचायत पोटनिवडणुकांचे निकाल जाहीर; सरपंच आणि सदस्यांच्या विजयाचा समर्थकांकडून जल्लोष

भंडारा जिल्ह्यातील विविध ग्रामपंचायतींमधील रिक्त सरपंच आणि सदस्य पदांसाठी मंगळवारी झालेल्या पोटनिवडणुकांचे निकाल बुधवारी जाहीर करण्यात आले. या निवडणुका राजकीय पक्षांच्या निवडणूक चिन्हांवर थेट लढल्या गेल्या नसल्या तरी, स्थानिक पातळीवरील विविध राजकीय गटांनी विजयाचे मोठे दावे केले आहे.

उष्णतेची तीव्रता असूनही, मतदारांनी उत्साहाने सहभाग घेतला आणि मोठा जोश दाखवला. १३ गावांमध्ये सरपंच पदासाठी अटीतटीची लढत झाली. जिल्ह्यातील ६३ ग्रामपंचायतींमधील एकूण ७३ जागांसाठी निवडणूक प्रक्रिया सुरू करण्यात आली होती. यापैकी २१ जागा बिनविरोध निवडून आल्या, त्यामुळे एकूण ५३ जागांसाठी मतदान झाले आणि ८७ उमेदवार निवडणूक लढवत होते. .

बुधवारी सकाळी ८ वाजता मतमोजणी सुरू होताच, निकालाच्या प्रतीक्षेत मतमोजणी केंद्रांबाहेर लोकांची मोठी गर्दी जमली होती. अड्याल आणि परसोडी येथे प्रतिष्ठेची लढाई पाहायला मिळाली. अड्यालमध्ये चार रिक्त जागांसाठी पोटनिवडणूक झाली. 

भंडारा जिल्ह्यातील ५२ मतदान केंद्रांवर संपूर्ण प्रक्रिया शांततेत पार पडली आणि मतमोजणीदरम्यान प्रशासनाने कडक सुरक्षा व्यवस्था ठेवली होती. या निकालानंतर ग्रामपंचायतींच्या कामाला नव्याने सुरुवात होईल आणि नवनिर्वाचित प्रतिनिधींकडून विकासकामांची गावकऱ्यांना मोठी आशा आहे.

Edited By- Dhanashri Naik