मराठा आरक्षणाला कुठलाच विरोध नाही : भुजबळ

 ते म्हणाले, ‘‘माझा मराठा समाजाच्या आरक्षणाला विरोध असल्याचे काही लोक चुकीच्या पद्धतीने समाजात पसरवत आहेत. मराठा समाजाच्या आरक्षणाला आमचा कसलाही विरोध नाही. मराठा समाजाला आरक्षण मिळावे, अशीच आमची भूमिका आहे. ओबीसींना ५२ टक्के आरक्षण आहे, असा गैरसमज पसरविला जात आहे. ओबीसी प्रवर्गातील ४०० जातींना केवळ १७ टक्के आरक्षण आहे. ओबीसी व इतर मागास प्रवर्गांना मिळणार्‍या आरक्षणाला धक्का न लावता कायद्याच्या कसोटीवर टिकणारे आरक्षण मराठा समाजाला दिले जावे, असेही भुजबळ यांनी सांगितले.