महाराष्ट्राला बसणार फेंगल वादळाचा तडाखा, 6 जिल्ह्यांमध्ये यलो अलर्ट

मिळालेल्या माहितीनुसार आता या फेंगल चक्रीवादळाचा परिणाम महाराष्ट्रातही दिसून येत आहे. राज्यातील अनेक जिल्ह्यांमध्ये ढगाळ वातावरण आहे. यासोबतच काही जिल्ह्यांत पावसाची शक्यताही व्यक्त करण्यात आली आहे. चक्रीवादळ फेंगल हे अरबी समुद्रावरील कमी दाबाचे क्षेत्र आहे. भारतीय हवामान विभागाचे पुणे प्रमुख के एस होसाळीकर यांनी ट्विटरवर ही माहिती दिली.

या चक्रीवादळामुळे महाराष्ट्रातील अनेक जिल्ह्यांमध्ये ढगाळ वातावरण असून थंडी कमी झाली आहे. सांगली, सातारा, लातूर, सोलापूर, कोल्हापूर, रत्नागिरी, सिंधुदुर्ग, धवाशिव, वाशीम, हिंगोली, बीड, संभाजीनगर जिल्ह्यात पावसाची शक्यता वर्तवण्यात आली आहे. येत्या 24 तासांत फंगल चक्रीवादळ आणखी तीव्र होण्याची शक्यताही हवामान विभागाने व्यक्त केली आहे.

हवामान विभागानुसार, फेंगल चक्रीवादळाचा प्रभाव 5 डिसेंबर रोजी सहा जिल्ह्यांमध्ये अधिक असेल. सातारा, पुणे, रत्नागिरी, लातूर, सांगली, कोल्हापूर या सहा जिल्ह्यांना गुरुवारी हवामान विभागाने यलो अलर्ट घोषित केला आहे.