नागपूरमधील अॅल्युमिनियम कारखान्यात भीषण स्फोट

मिळालेल्या माहितीनुसार स्फोट इतका शक्तिशाली होता की सुमारे एक किलोमीटर अंतरापर्यंत धुराचे लोट दिसत होते. गंभीर जखमींना शासकीय वैद्यकीय महाविद्यालय आणि रुग्णालयात दाखल करण्यात आले आहे. ही फर्म अॅल्युमिनियम फॉइल आणि पावडर बनवते. घटनास्थळी उपस्थित असलेल्या काही अधिकाऱ्यांनी सांगितले की, अॅल्युमिनियम पावडरमुळे आग अधिक तीव्र झाली. आगीवर नियंत्रण मिळवण्यासाठी प्रयत्न सुरू आहे. नागपूर ग्रामीणचे एसपी हर्ष पोद्दार यांनी या स्फोटाबद्दल सांगितले आहे की, हा कारखाना नागपूरच्या उमरेड तालुक्यात आहे. कारखान्याच्या पॉलिश केलेल्या ट्यूबिंग युनिटमध्ये स्फोट झाला आहे. अग्निशमन विभाग घटनास्थळी उपस्थित आहे. अग्निशमन दलाच्या गाड्या आग विझवण्याचे काम करत आहे. त्यांनी सांगितले की, स्फोट झाला तेव्हा एकूण ८७ लोक आत उपस्थित होते. आठ जण जखमी झाल्याचे बातमी आहे.

Edited By- Dhanashri Naik<>