मुंबई-पुणे द्रुतगती मार्गावर मोठा ट्राफिक; चैत्र नवरात्री आणि रामनवमीच्या जोडून आलेल्या सुट्टीमुळे बोरघाट येथे लागल्या 5 किमी पर्यंत लांब रांगा

मुंबई-पुणे द्रुतगती मार्गावर प्रवासाचे नियोजन करत असाल, तर सध्याची परिस्थिती थोडी आव्हानात्मक आहे. चैत्र नवरात्री आणि रामनवमीच्या जोडून आलेल्या सुट्ट्यांमुळे पर्यटकांची मोठी गर्दी उसळली असून बोरघाटात (खंडाळा घाट) वाहतुकीचा मोठा खोळंबा झाला आहे. वाहतूक सुरळीत करण्यासाठी पोलिसांकडून 10-10 मिनिटांचा ब्लॉक घेऊन वाहने सोडण्यात येत आहे. 

पोलिस आणि वाहतूक पोलिस यांच्या टीमने ट्राफिक सुरळीत करण्यासाठी 10-10 मिनिटांचे ब्लॉक घेऊन वाहने सोडण्याची व्यवस्था केली आहे. यामुळे दोन्ही दिशेने (मुंबई-पुणे आणि पुणे-मुंबई) वाहतूक हळूहळू पुढे सरकत आहे, पण पूर्णपणे वेगवान नाही.

बोरघाट हा नेहमीच ट्राफिकसाठी संवेदनशील भाग आहे, विशेषतः सुट्ट्यांमध्ये. सावधगिरी बाळगा, सुरक्षित प्रवास करा!

Edited By- Dhanashri Naik