नागपूर पोलिसांनी ‘ऑपरेशन नार्को फ्लशआऊट’सुरू केले

पोलीस आयुक्त अमितेश कुमार यांनी ही माहिती दिली. शाळा महाविद्यालयांच्या १०० मीटरच्या आत कुठल्याही प्रकारचे तंबाखूजन्य पदार्थ व अंमली पदार्थांची विक्री करण्यास परवानगी नाही. मात्र अनेक ठिकाणी नियमांचा भंग करत पानठेले थाटण्यात आले आहेत. यातील काही पानठेले तसेच रेस्टॉरेन्ट्स, कॅफे यांच्या माध्यमातून विद्यार्थ्यांना अंमली पदार्थांची विक्री होते. यावर वचक बसावा यासाठी कारवाईला सुरुवात करण्यात आली आहे. पानठेल्यांसोबतच रेस्टॉरेन्ट्स व कॅफेचीदेखील तपासणी होणार आहे. ‘कोपटा’ नियमानुसार १०० मीटरच्या आत असलेल्या पानठेला चालकांना दंड ठोठावण्यात आला. जर या पानठेल्यांमध्ये अंमली पदार्थ आढळले तर त्याला कायमस्वरूपी बंद करण्यात येणार आहे.
Edited by : Ratnadeep Ranshoor