विठूमाऊलीचे आता 24 तास दर्शन घेता येणार

व्हीआपी दर्शन बंद

विठू माऊलीच्या दर्शनासाठी शेकडो किलोमीटर चालत येणार्‍या भाविकांना चांगल्या पद्धतीने दर्शन घेता यावे, यासाठी मंदिर समितीने व्हीआयपी दर्शन बंद करण्याचा निर्णय घेतला आहे. राज्यभरातील पालख्या पंढरीच्या दिशेने रवाना झाल्या आहेत. त्यामुळे आषाढीच्या तोंडावर व्हीआयपी दर्शनासाठी मोठी गर्दी होत आहे. मात्र यामुळे तथाकथित व्हीआयपी मंडळीचा सामान्य भाविकांना मनस्ताप सहन करावा लागतो.

आमदार, खासदार आणि मंत्रालयातून चिठ्या घेऊन येणारे हे व्हीआयपी झटपय दर्शनासाठी गर्दी करीत असल्याने दर्शन रांगेत भाविकांना तासंतास ताटकळत उभे राहावे लागते. यामुळेच 25 जूनपासून सर्वच प्रकारच्या व्हीआयपींसाठी असलेले झटपट दर्शन बंद करण्याचा निर्णय मंदिर समितीने घेतला आहे.