इलेक्ट्रॉनिक चीपद्वारे पेट्रोल पंपावरील मापकात फेरफार करून ग्राहकांची फसवणूक होत असल्याचे सर्वप्रथम उत्तर प्रदेशात उघडकीस आले. या घोटाळ्याचे कनेक्शन ठाणे व डोंबिवलीशी असल्याचे चौकशीतून पुढे येताच एकच खळबळ उडाली होती. या प्रकरणी डोंबिवलीतील अरमान सेल्स पेट्रोलपंपावर मापकात फेरफार करून पेट्रोलचा घोटाळा करणारा फिजिक्सचा प्राध्यापक विवेक शेट्येला अटक झाल्यानंतर ठाणे पोलिसांनी राज्यभरात छापासत्र सुरू केले. यापूर्वी शेट्येला उत्तर प्रदेश पोलिसांनी पेट्रोल चोरीप्रकरणी अटक केली होती.