महाराष्ट्रात मान्सूनपूर्व पावसाचे आगमन! आज नाशिक आणि संभाजीनगरसह ७ जिल्ह्यांसाठी पावसाचा इशारा जारी

हवामान विभागाच्या ताज्या अंदाजानुसार, आज नाशिक आणि छत्रपती संभाजीनगरसाठी यलो अलर्ट जारी करण्यात आला आहे. या भागात विजांच्या कडकडाटासह पावसाची शक्यता आहे. आज पालघर जिल्ह्यासाठी विशेषतः सावधगिरीचा दिवस असेल. येथे मध्यम स्वरूपाच्या पावसाची शक्यता असून, ताशी ४० ते ५० किमी वेगाने सोसाट्याचा वारा वाहण्याची शक्यता आहे, ज्यामुळे तेथेही यलो अलर्ट जारी करण्यात आला आहे.

कोकण विभागातील रायगड, रत्नागिरी आणि सिंधुदुर्ग जिल्ह्यांमध्ये आज पावसाची ९० टक्के शक्यता आहे. पावसासोबत मेघगर्जना आणि सोसाट्याचा वारावाहण्याची शक्यता आहे. तथापि, कोकण-गोवा पट्ट्यातील काही भागांमध्ये उष्ण आणि दमट हवामान राहील.

Edited By- Dhanashri Naik