डॉक्टरने दिलेली गर्भपाताची गोळी खाल्ल्यानंतर बलात्कार पीडितेचा दुर्दैवी मृत्यू; नांदेड मधील घटना

मिळालेल्या माहितीनुसार महाराष्ट्रातील नांदेडमध्ये सोमवारी १७ वर्षीय बलात्कार पीडितेचा मृत्यू झाला. बलात्कार पीडिता गर्भवती होती आणि तिला रुग्णालयात दाखल करण्यात आले होते. तिला भरपूर रक्तस्त्राव होत होता. असे वृत्त आहे की तिच्या कुटुंबाच्या विनंतीवरून तिला गर्भपाताची गोळी देण्यात आली होती, ज्यामुळे तिची प्रकृती आणखी बिकट झाली. डॉक्टरवरही निष्काळजीपणाचा संशय आहे. पोलिस सध्या या प्रकरणाचा तपास करत आहे.  

पोलिसांच्या माहितीनुसार, पीडिता १२ वीची विद्यार्थिनी होती आणि ती साडेचार महिन्यांची गर्भवती होती. तिचा शिक्षक संदेश गुंडेकर याने डिसेंबर २०२४ पासून तिच्यावर बलात्कार केल्याचा आरोप आहे. भातकुली पोलिस ठाण्याचे सहाय्यक निरीक्षक पांडुरंग सिंदे यांनी सांगितले की, आरोपीने विद्यार्थिनीशी लग्न करण्याचे आश्वासन दिले होते. पीडितेने पोलिसांना घडलेला प्रकार सांगितला. गुंडेकरवर पॉक्सो कायद्यांतर्गत गुन्हा दाखल करण्यात आला आणि यवतमाळ मधून अटक करण्यात आली.

एका वरिष्ठ पोलिस अधिकाऱ्याने सांगितले की, "आम्ही वैद्यकीय नोंदी आणि गोळ्यांचे नमुने जप्त केले आहे. आम्हाला निष्काळजीपणा किंवा बनावट डॉक्टर असल्याचा संशय आहे. डॉक्टरांनी उपचारात काही चूक केली आहे का हे शोधण्याचा प्रयत्न पोलिस करत आहे.  

Edited By- Dhanashri Naik