विरोधकांनी अडथळा आणू नये मुख्यमंत्र्याचा इशारा

मराठा आरक्षण उपसमितीची पहिली बैठक समितीचे अध्यक्ष, महसूल मंत्री चंद्रकांत पाटील यांच्या अध्यक्षतेखाली सोमवारी पार पडली. त्यामध्ये मराठा आरक्षण विधेयक येत्या बुधवारी, २८ नोव्हेंबर रोजी विधानसभेत तर गुरुवारी, २९ नोव्हेंबर रोजी विधानपरिषदेत मांडण्याचा निर्णय घेण्यात आला आहे. याविषयी बोलताना मुख्यमंत्री देवेंद्र फडणवीस म्हणाले, ‘कायदेतज्ज्ञ आणि अधिकारी विधेयक तयार करत असून मराठा आरक्षणासंदर्भातील विधेयक दोन्ही सभागृहात मांडण्यात येणार. तसेच कलम 9 आणि 11 अन्वये सरकारला मागासवर्ग आयोगाच्या अहवालावरील अ‍ॅक्शन टेकन रिपोर्ट सादर करणे बंधनकारक आहे. तो सादर केल्यावर कलम 15नुसार हा अहवालही सभागृहात सादर करण्यात येणार आहे. विधेयक दोन्ही सभागृहात मंजूर झाल्यावर ते राज्यपालांच्या शिफारशीकडे पाठवले जाईल, त्यानंतर त्याचे कायद्यात रुपांतर होईल.’