Sanjay Raut Press Conference: राऊतांच्या पत्रकार परिषदेत साप!

असा पकडला साप

सर्पमित्र या ठिकाणी आल्यानंतर त्यांनी हा साप पकडून त्याच्या नैसर्गिक अधिवासात सोडला. पत्रकार परिषदेच्या ठिकाणी हा साप लपून बसल्याचीही माहिती समोर येत आहे. हा पांडीवाड जातीचा बिनविषारी साप होता. या सापाला पकडल्यानंतर उपस्थित सर्वांनी सुटकेचा नि:श्वास सोडला आहे. अचानक साप निघाल्यामुळे पत्रकार परिषदेत गोंधळ उडाला.

नितेश राणेंनी उडवली खिल्ली

तर दुसरीकडे भाजप आमदार नितेश राणे यांनी संजय राऊत यांच्या घरात साप घुसल्याने त्यांची खिल्ली उडवली आहे. नितेश राणे यांनी 'माझी सुरक्षा वाढवा' असे ट्विट केले आहे. राणेंनी संजय राऊत यांना नौटंकी म्हटलं आहे.

 संजय राऊत यांनी आज अनेक आरोप केले

खासदार संजय राऊत म्हणाले, निवडणुकीपूर्वी काही गुन्हेगारांना कारागृहातून बाहेर काढण्याचा डाव आहे. या कैद्यांशी मुख्यमंत्री कार्यालयातून बोलणी सुरू आहेत. मी ते लवकरच सिद्ध करेन. अनेक बड्या गुन्हेगारांशी हे संभाषण सुरू आहे. निवडणुकीपूर्वी काही कैद्यांना जामिनावर बाहेर काढण्याचे षडयंत्र रचण्यात आले आहे. हे षडयंत्र कोणाच्या विरोधात रचले जात आहे याची माहिती आणि पुरावे मी लवकरच तुमच्यासमोर मांडणार आहे.