तुळजाभवानी मंदिरात व्हीआयपी दर्शन बंद

रविवार, मंगळवार, शुक्रवार तसेच सुटीच्या दिवशी भाविकांची संख्या चार लाखांवर जाते. गर्दीचा फायदा घेऊन व्हीआयपीच्या नावाखाली थेट दर्शनाचा व्यवसाय फोफावला आहे. जिल्हाधिकार्‍यांनी व्हीआयपीसाठी खासदार-आमदारांच्या शिफारशींचे पत्र घेण्याचे आदेश काढले होते. मात्र, या लेटरपॅडचाही गैरवापर सुरू झाल्याने रविवारी मंदिर कार्यालयात गोंधळ झाला.

जिल्हाधिकार्‍यांनी शिफारस पत्रांची पाहणी करून अशा शिफारशी बंद करण्याच्या सूचना केल्या. स्वत: आमदार किंवा खासदार असतील तरच त्यांना व्हीआयपी दर्शन देण्याची सूचना केली.