नागपुरात फडणवीस यांचे जंगी स्वागत

महाविकास आघाडी सरकार उलथवून लावून राज्यात शिंदे गट आणि भाजप यांच्या युतीचे सरकार आले आहे. बहुमत चाचणीतही हे सरकार यशस्वी ठरले. सत्तांतराच्या नाट्यात देवेंद्र फडणवीस प्रत्यक्षात कुठेही दिसले नसले तरीही त्यांची भूमिका महत्त्वाची होती. त्यामुळे आश्चर्यकारकरित्या त्यांना उपमुख्यमंत्री पदावरही बसावं लागलं. त्यानंतर आज ते नागपुरात दाखल झाले आहेत. यावेळी नागपुरात त्यांचं जंगी स्वागत करण्यात आलं. तसेच, यावेळी जनतेच्या या प्रेमामुळेच आपण यशस्वी आहोत, अशा भावना देवेंद्र फडणवीस यांनी व्यक्त केली.