Dharma Sangrah
✕

गाडी शिकताना ब्रेकऐवजी एक्सलरेटरवर पडला पाय, माय-लेकींनी गमावला जीव

Updated: शुक्रवार, 4 नोव्हेंबर 2022 (08:26 IST)
 
गाडीत यावेळी दाम्पत्यासोबत त्यांची मुलगीही होती.
 
या अपघातात पत्नी आणि मुलीचा मृत्यू झाला असून, पतीवर दवाखान्यात उपचार सुरू असल्याची माहिती देऊळगाव राजाचे पोलीस निरीक्षक जयवंत सातव यांनी बीबीसी मराठीशी बोलताना सांगितलं आहे.
 
महिला आणि मुलीचा मृतदेह काढताना विहिरीत उडी घेतलेला युवक ही पाण्यात बुडाल्याने मृतांची संख्या तीन झाली आहे. विहिरीत उडी मारणाऱ्या या युवकाचं नाव पवन पिंपळे असं आहे.
 
या घटनेतील तिन्ही मृतदेह बाहेर काढण्यात आले आहेत.
 
नेमकं घडलं काय?
अमोल मुरकुट हे जाफराबाद तालुक्यातील नळणी जिल्हा परिषद शाळेवर शिक्षक आहे. देऊळगाव राजा शहरातील रामनगर येथे वास्तव्याला असून कार शिकवण्यासाठी घरासमोरून निघाले.
 
त्यावेळी त्यांची पत्नी कार चालवत होती आणि मुलगी समोर व शिक्षक अमोल मुरकुट मागे बसलेले होते. कार सुरू करून कारसमोर आलेल्या दुचाकीला वाचवण्यासाठी महिलेनं ब्रेकऐवजी एक्सलरेटर दाबल्यानं सुसाट वेगानं घराजवळ असलेल्या विहिरीत कार कोसळली.
 
ही विहीर 60 फूट खोल आहे.
 
कारचे दार उघडून शिक्षक पाण्याबाहेर आले असता नागरिकांनी त्यांना बाहेर काढले. त्यांच्या हाताला मार लागल्यानं ग्रामीण रुग्णालयात उपचारासाठी हलवण्यात आलंय.
 
देऊळगाव राजा ग्रामीण रुग्णालयाच्या वैद्यकीय अधीक्षक डॉ. अस्मा शेख यांनी बीबीसी मराठीला सांगितलं, "या घटनेतील पुरुषाच्या हाताला थोडासा मार लागला होता. त्यांना डिस्चार्च करण्यात आलं आहे. त्यांची तब्येत आता स्थिर आहे. मृत महिला आणि मुलीचा मृतदेह जवळपास 8 तासांनंतर बाहेर काढण्यात आला आहे. त्यांच्या मृतदेहांवर आता पोस्टमोर्टम करण्यात येणार आहे. यासोबत त्यांना वाचवायला विहीरीत उडी मारलेल्या तरुणाचाही मृतदेह बाहेर काढण्यात आला आहे."
 
वाचवण्यासाठी विहीरीत मारली उडी पण...
विहिरीजवळ उभ्या असलेल्या गर्दीतून शहरातील पवन तोताराम पिंपळे या 22 वर्षांच्या युवकाने कपडे काढून विहिरीत उडी घेतली. पण त्यानंतर तो खूप वेळ बाहेर आला नाही. तोही पाण्यात बुडाला.
 
या घटनेतील तिन्ही मृतदेह आता बाहेर काढण्यात आलं आहे.
 
नातेवाईकांचा टाहो
ही घटना माहिती मिळताच स्वाती यांचे नातेवाईक घटनास्थळी दाखल झाले. यावेळी त्यांनी एकच टाहो फोडला.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

LIVE: दादर स्टेशनचे नाव बदलून चैत्यभूमी करण्याची प्रक्रिया आगामी विधानसभा अधिवेशनात पूर्ण होणार

शायना एनसीकडून चुकून बाळासाहेब ठाकरे यांचा फोटो फाडला गेला! व्हिडिओ व्हायरल नंतर आता त्यांनी स्पष्टीकरण दिले

पाचव्या एकदिवसीय सामन्यातील चुकीबद्दल आयसीसीने भारतीय संघावर मोठा दंड आकारला

महाराष्ट्र सरकारने "महाराष्ट्र वेतन नियम २०२६" लागू केले; आता ८ तासांपेक्षा जास्त काम केल्यास ओव्हरटाईम मिळेल

दादर रेल्वे स्टेशनचे नाव बदलून चैत्यभूमी ठेवण्याची तयारी सुरू; मुख्यमंत्री फडणवीस यांनी सांगितले....

पुढील लेख
Show comments