गोदामाई कोपली (स्लाईड शो)

Written By वेबदुनिया

Updated: शनिवार, 20 सप्टेंबर 2008 (12:33 IST)

रामघाट पाण्याखाली
दोन दिवसांपासून झालेली संततधार आणि गंगापूर धरणातून सोडलेला विसर्ग यामुळे नाशिकमध्ये गोदावरी नदीला महापूर आला. १९६९ मध्ये आलेल्या पुरापेक्षाही गोदेचे हे रूप भयंकर होते, असे प्रत्यक्षदर्शींचे म्हणणे आहे. रौद्ररूप धारण केलेल्या गोदेने आजूबाजूचा परिसर गिळंकृत केला. गोदेच्या या पुरामुळे धार्मिक महत्त्व असलेला पंचवटीतील रामघाटही पूर्णपणे पाण्याखाली गेला होता. या घाटावरील सर्व मंदिरेही पाण्यात बुडाली होती. परिणामी श्राद्धादी विधी थंडावले.

कोपलेली गोदामा ई
हा नाशिकचा अहिल्याबाई होळकर पूल. ब्रिटिशांनी बांधलेला. पूर्वीचा व्हिक्टोरीया ब्रिज. या पुलाच्या पलीकडेच प्रसिद्ध पंचवटी भाग आहे. या पुलाच्या खाली गोदेचे पाणी टेकले होते. शहरातील बाकीच्या जवळपास सर्व पुलांवरून पाणी वाहत होते. त्यामुळे एकटा हा पूल वाहतुकीसाठी खुला होता. या पुलावरून पुराचे रूप धडकी भरविणारे होते. तरीही नित्यवर्षाप्रमाणे नाशिककरांनी हे रूप डोळ्यात साठविण्यासाठी गर्दी केली होती.

नारोशंकराच्या घंटेला पाणी
बाजीराव पेशव्यांचे बंधू चिमाजी अप्पा यांनी वसईच्या किल्ल्यातून आणलेली घंट रामघाटावरील प्रसिद्ध नारोशंकराच्या मंदिरावर बसवलेली आहे. ही घंटाही पाण्यात बुडाली. ही घंटा पाण्यात बुडणे म्हणजे पुराचा कहर असे मानले जाते. या मंदिराच्या आसपास असलेली इतर मंदिरेही पाण्यात बुडाली होती. प्रसिद्ध कपालेश्वर मंदिराच्या पायर्‍याही पाण्यात बुडाल्या होत्या. या परिसरात राहणार्‍या साधूंनाही स्थलांतरीत व्हावे लागले.

बुडत्याला काडीचा आधार
पुराने शहरातील रहिवासी वस्तीतही पाणी शिरले. अनेकांना घरे सोडून सुरक्षित स्थळी जावे लागले. गंगापूर रस्ता भागात आसाराम बापू आश्रम, तसेच अनेक बंगल्यात पाणी शिरले. पुराच्या पाण्यात अडकलेली ही व्यक्ती झाडाच्या आधारे तग धरून होती.

आयुष्याची दोरी बळकट
पाण्यात अडकलेल्यांची सुटका करण्यासाठी महापालिकेपासून अग्निशमन दलापर्यंतच्या अनेक संस्था धावून आल्या. शहरातील बोट क्लबच्या सदस्यांनीही याला हातभार लावला. बोटीद्वारे जाऊन या तरूणांनी दोरी टाकून पाण्यात अडकलेल्यांना वाचवले. त्यासाठी फेकलेल्या दोरीमुळे त्यांच्या आयुष्याची दोरी बळकट ठरली.

जल आक्रमिले
गोदेच्या या पुराने काठावरच्या अनेक इमारती आपल्यात सामावून घेतल्या. अनेक इमारतींचे तळमजले पाण्याने भरून गेले. या पाण्यातून मार्ग काढत मुख्य रस्त्यावर जाणे अशक्यप्राय होते. त्यामुळे त्यांनी घरात बसणेच पसंत केले. इमारतीखाली पार्क केलेल्या गाड्याही पाण्यात बुडाल्या होत्या.
सर्व छायाचित्रे- रवी जाधव, नाशिक)

वेबदुनिया वर वाचा

About Author

वेबदुनिया

वेबदुनियाच्या न्यूज डेस्क येथे आमचे वार्ताहर, विश्वसनीय स्रोत आणि अनुभवी पत्रकार यांनी तयार केलेले प्रत्यक्ष घटनास्थळावरील अहवाल, विशेष वृत्तांत, मुलाखती आणि रिअल-टाइम अपडेट्स प्रकाशित करण्यापूर्वी वरिष्ठ संपादकांकडून अत्यंत काटेकोरपणे तपासून घेतली जातात..... Read More

नक्की वाचा सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

नवीन सर्व पहा

पाकिस्तान सीमेवर भारताचे 'स्टील रोबोट डॉग्स' तैनात? -४०°C तापमानातही काम करण्याची क्षमता; जाणून घ्या खास वैशिष्ट्ये

पुण्याला स्वच्छ सर्वेक्षणात एकही पुरस्कार नाही; कोट्यवधींचा खर्च कुठे झाला? विरोधकांचा सवाल

प्रवाशांना घेऊन जाणारी व्हॅन नदीत कोसळल्याने ११ प्रवाशांचा मृत्यू

BYD च्या लक्झरी डेन्झा D9 ची भारतात एंट्री; ९० लाख रुपये किंमत, एका चार्जमध्ये ७३० किमी रेंजचा दावा

LIVE: संजय राऊत यांनी राष्ट्रवादी काँग्रेससोबतच्या विलीनीकरणाच्या चर्चा फेटाळून लावल्या

Show comments