ऑस्ट्रेलिया ओपनमध्ये नडालचा पराभव करून फेडररने बाजी मारली

तब्बल तीन तास 38 मिनिटे रंगलेल्या आणि अत्यंत चुरशीच्या झालेल्या अंतिम लढतीत फेडररने दमदार सुरुवात करताना पहिला सेट 6-4  अशा फरकाने जिंकला. मात्र नदालने दुसऱ्या सेटमध्ये 6-3 ने बाजी मारत सामन्यात कमबॅक केले. त्यानंतर तिसऱ्या सेटमध्ये फेडररने पुन्हा आपला खेळ उंचावताना हा सेट 6-1 ने जिंकला. मात्र चौथ्या सेटमध्ये नदालने फेडररला मात देत या सेटवर 6-3 ने कब्जा केला. त्यानंतर पाचव्या आणि निर्णायक सेटमध्ये फेडररने जबरदस्त खेळाचे प्रदर्शन घडवले. त्याने  या सेटमध्ये नदालने घेतलेली आघाडी मोडून काढत जोरदार मुसंडी मारली आणि सेट 6-3 ने जिंकत सेटसह ऑस्ट्रेलियन ओपनच्या विजेतेपदावर कब्जा केला.