सर्वोत्तम खेळापासून मी दूर नाही - सायना नेहवाल

इंगेज ४ मोअरच्या वतीने आयोजित इल्डवाईस ब्रेन आऊट मधील एका कार्यक्रमादरम्यान सायनाने स्पष्ट केले की, अलीकडच्या काही सामन्यांत तिला निसटते पराभव पत्करायला लागले. काही वेळा तर तिसर्‍या गेममध्ये मी अठरा गुणांपर्यंत मजल मारली होती. जेव्हा तुम्ही दुखापतीनंतर कोर्टवर येता तेव्हा तुमच्या मनात दुखापतीचा विचार असतो. मी त्याला अपवाद नाही. त्याविषयी आमचा विचार सुरू आहे. सायनाच्या मते एखाद्या स्पर्धेचे विजेतेपद तिने पटकावले तर पूर्वीप्रमाणे ती पुन्हा स्पर्धा जिंकू शकेल. जिंकण्यासाठी शारीरिक तंदुरुस्ती अधिक महत्त्वाची आहे, असे तिला वाटते. अलीकडच्या काळात पाठोपाठ स्पर्धा असल्यामुळे तंदुरुस्तीवर परिणाम होतो असे सायनाने सांगितले. सध्या ती जागतिक क्रमवारीचा विचार करणार नसून जास्तीत जास्त स्पर्धांमध्ये सहभागी होऊन विजयी होण्याचा निर्धार सायनाने केला आहे.