LPG संकटाच्या पार्श्वभूमीवर आयआरसीटीसीचा मोठा निर्णय; प्रवाशांचे जेवण इंडक्शन स्टोव्हवर शिजवले जाणार
भारतीय रेल्वेच्या प्रवाशांसाठी केटरिंग सेवेसंदर्भात एक महत्त्वपूर्ण बातमी आहे. पश्चिम आशिया मध्ये इराण आणि अमेरिका यांच्यात सुरू असलेल्या युद्धामुळे देशात निर्माण झालेल्या एलपीजी सिलेंडरच्या संकटाच्या पार्श्वभूमीवर, इंडियन रेल्वे केटरिंग अँड टुरिझम कॉर्पोरेशनने एक मोठा धोरणात्मक निर्णय घेतला आहे. आयआरसीटीसी आता धावत्या ट्रेनमध्ये पुन्हा स्वयंपाक सुरू करत आहे. मात्र, यावेळी गॅस सिलेंडरऐवजी आधुनिक इलेक्ट्रिक इंडक्शन स्टोव्हचा वापर करून स्वयंपाक केला जाईल.
मिळालेल्या माहितीनुसार आयआरसीटीसी ट्रेनच्या आधुनिक लिंक हॉफमन बुश पॅन्ट्री कारमध्ये विजेचा वापर करून जेवण तयार करण्याची योजना आखत आहे. या उपक्रमांतर्गत दररोज सुमारे १,४०० गाड्यांमधून प्रवास करणाऱ्या प्रवाशांना खानपान सेवा पुरवली जाईल, ज्याद्वारे अंदाजे १७ लाख जेवण दिले जाईल. जागतिक ऊर्जा संकटामुळे हा निर्णय घेण्यात आला.
आयआरसीटीसीचे अध्यक्ष आणि व्यवस्थापकीय संचालक (सीएमडी) संजय कुमार यांच्या म्हणण्यानुसार, विक्रेत्यांना पॅन्ट्री कारमध्ये अन्न शिजवण्याची परवानगी देण्यात आली आहे, कारण या कार अत्याधुनिक सुरक्षा सुविधांनी पूर्णपणे सुसज्ज आहे. त्यांनी अशीही माहिती दिली की, आता प्रमुख रेल्वे स्थानकांवर इंडक्शन कुकिंग सुरू करण्यात आले आहे. राजधानी, शताब्दी, दुरंतो आणि वंदे भारत यांसारख्या प्रीमियम गाड्या एलएचबी डब्यांसह धावतात.
आयआरसीटीसीची क्लस्टर किचन, बेस किचन आणि इतर खाद्य सेवा सुरळीतपणे चालवण्यासाठी दररोज अंदाजे १,००० व्यावसायिक सिलिंडरची आवश्यकता असते. ही कमतरता आता इलेक्ट्रिक कुकिंगद्वारे भरून काढली जाईल.
Edited By- Dhanashri Naik
