योगा स्ना न सुगंध, स्पर्श, प्रकाश व तेल यांचे औषधीय मिश्रण सर्व प्रकारचे शारीरिक व मानसिक विकार दूर करत असतात. याला आयुर्वेदिक किंवा स्पा स्नान म्हटले जाते. या स्नानात अभ्यंग, शिरोधारा, नास्यम, स्वेदम व लेपन अशा प्रकारच्या अनेक पायर्या असतात. यापूर्वी आपण पंचकर्म चिकित्सेचाही वापर करू शकता. वमन, विरेचन, बस्ति-अनुवासन, बस्ति-आस्थापन व नस्य या पाच प्रकारे पंचकर्म चिकित्सामध्ये शरीराचे शुध्दीकरण केले जाते.
यौगिक आहा र यौगिक आहार शरीरासाठी आवश्यक आहे. खाण्याची व्यवस्थित पथ्ये पाळली नाहीत तर शरीर सुटते. अतिलठ्ठपणा अनेक समस्या निर्माण करतो. वात, पित्त व कफाने शरीराचे संतुलन बिघडते. लठ्ठपणावर नियंत्रण राखण्यासाठी यौगिक आहार घेणे लाभदायी असते.
दररोजच्या आहारात साजुक तूप, रसयुक्त व तंतूमय पदार्थाचा समावेश असावा. भात, ज्वारी, दूध, लोणी, मध, हिरव्या पालेभाज्या, मूग, हरभरे व फळाचे सेवन करावे.
क्षमतेपेक्षा कमी आहार घ्यावा. जादा मसालेदार पदार्थ टाळावेत. कडू, आंबट, तिखट, खारट, गरम, तेलकट, मद्य, मासे, मटण आदी गोष्टीचा त्याग करावा.