बुधवार, 30 नोव्हेंबर 2022
  1. मराठी बातम्या
  2. महाराष्ट्र न्यूज
  3. बीबीसी मराठी बातम्या
Written By
Last Modified मंगळवार, 4 ऑक्टोबर 2022 (11:09 IST)

नॅशनल हेराल्ड प्रकरणी डी. के. शिवकुमारांना ईडीचे समन्स

shiv kumar
Twitter
काँग्रेस नेते राहुल गांधी यांच्या नेतृत्वाखाली सुरु झालेली 'भारत जोडो यात्रा' कर्नाटकात पोहोचली आहे. 3 ऑक्टोबरला या पदयात्रेचा कर्नाटकात चौथा दिवस होता.
 
ही यात्रा कर्नाटकात असतानाच अंमलबजावणी संचालनालयाने ( ईडी ) कर्नाटक काँग्रेसचे अध्यक्ष डी. के. शिवकुमार यांना समन्स बजावलं आहे. नॅशनल हेराल्ड आर्थिक गैरव्यवहार प्रकरणाच्या चौकशीसाठी हे समन्स बजावल्याचे सांगण्यात येत आहे.
 
7 ऑक्टोबर रोजी दिल्लीतील केंद्रीय तपास यंत्रणेसमोर हजर राहण्यास सांगितलं आहे.
 
दरम्यान, यापूर्वी 19 सप्टेंबर रोजी बेहिशोबी मालमत्ताप्रकरणी डी. के. शिवकुमार यांची चौकशी करण्यात आली होती. त्यानंतर ईडी कार्यालयातून बाहेर पडल्यावर प्रसारमाध्यमांशी बोलताना डी. के. शिवकुमार यांनी सांगितलं,
 
"एका आर्थिक गैरव्यवहार प्रकरणी त्यांच्यावर आरोपपत्र दाखल करण्यात आलं आहे. मात्र, मला या प्रकरणाबाबात काहीच माहिती नाही. चौकशीवेळी ईडी अधिकाऱ्यांनी माझ्या ट्रस्ट आणि भावाकडून यंग इंडियाला देण्यात आलेल्या पैशांबद्दल विचारलं."

Published By -Smita Joshi