भारतात असलेले महाभारतातील खलनायकांचे मंदिर

India Tourism : भारतात विविधतेमध्ये एकता पाहावयास मिळते. भारतात अनेक धर्माचे लोक राहतात. प्रत्येकाची धार्मिक भावना देखील वेगळी आहे. तसेच लोकांच्या धार्मिक स्वभावातही विविधता दिसून येते. भारतात अनेक वेगवेगळ्या सर्वत्र देवाची मंदिरे पाहायला मिळतात. पण क्रूर राक्षस आणि खलनायकांची मंदिरे तुम्ही कधी पाहिली आहेत का?

तसेच भारतात प्राचीन मंदिरांना विशेष स्थान आहे, यासाठी चारही दिशांना कोणत्या ना कोणत्या देवतेला समर्पित मंदिरे आहे. या मंदिरांपैकी आज आपण महाभारतातील काही खलनायकांच्या मंदिरांबद्दल पाहणार आहोत जे देशात आहे. या मंदिरांना एकदा तरी अवश्य भेट द्या. 

शकुनी मंदिर-

महाभारतातील एक पात्र शकुनी मामाचे मंदिर देखील केरळमधील कोल्लम येथे आहे. या मंदिराची स्थापना केरळच्या कुर्वा समुदायाने केली होती जिथे त्यांनी पवित्रेश्वरम येथे त्यांचा सन्मान करण्यासाठी मंदिर बांधले होते. या मंदिराला भेट देण्यासाठी या मार्गांनी तुम्ही मंदिरापर्यंत पोहोचू शकता.

शकुनी मंदिरात जावे कसे?

हे मंदिर कोल्लम जिल्ह्यात येते. त्यामुळे केरळ एक्सप्रेस किंवा तिरुवनंतपुरम राजधानी रेल्वेने या मंदिरापर्यंत नक्कीच जाऊ शकता. जर तुम्हाला फ्लाइटने जायचे असेल तर त्रिवेंद्रमला फ्लाइट ने जाऊन त्यानंतर बस किंवा लोकल रेल्वेने या मंदिरा पर्यंत जात येते. 

गांधारी मंदिर-

महाभारतातील आणखी एक पात्र, कौरवांची आई आणि शकुनी मामाची बहीण म्हणजे गांधारी होय.गांधारी मंदिर हे 2008 मध्ये म्हैसूरमध्ये सुमारे 2.5 कोटी रुपये खर्चून बांधले गेले होते. पती धृतराष्ट्र आंधळा असल्यामुळे त्याही अंधत्वाने आयुष्य जगल्या पण त्यांचा स्वभाव नकारात्मक राहिला.

गांधारी मंदिरात जावे कसे?

येथे जाण्यासाठी प्रथम म्हैसूरला जावे लागेल. यासाठी रेल्वे किंवा फ्लाइट देखील मिळेल. यानंतर टॅक्सी घेऊन नांजागुड येथे जात येते जिथे हे मंदिर आहे.

दुर्योधन मंदिर-

महाभारतातील आणखी एक क्रूर पात्र दुर्योधन होते, त्याचे मंदिरही तुम्हाला भारतात पाहायला मिळेल. केरळमधील कोल्लममधील पोरुवाझी येथील पेरुवाठी मलानाडा मंदिर हे शकुनी मंदिराजवळ स्थित हे मंदिर दुर्योधनाला समर्पित आहे. विशेष म्हणजे या मंदिरात कोणतीही मूर्ती नसून केवळ एक व्यासपीठ आहे जिथे देवतेला ताडी, सुपारी, कोंबडा आणि लाल वस्त्र अर्पण केले जाते.

कर्ण मंदिर-

उत्तरकाशीमध्ये पांडवांचा  शत्रू कर्ण यांचे मंदिर आहे. तसेच, त्याला दानवीर आणि सूर्यदेवाचा पुत्र म्हणूनही ओळखले जाते. पण तो युद्धात कौरवांच्या बाजूने लढला. त्यामुळे त्याला खलनायकही मानले जाते. येथील अशी मान्यता आहे की, इच्छा पूर्ण झाल्यावर मंदिराच्या भिंतीवर नाणी टाकली जातात.

कर्ण मंदिर जावे कसे?

येथे जाण्यासाठी डेहराडूनला रेल्वेने किंवा विमानाने जावे. पुढे सार्वजनिक वाहनाने किंवा खासगी वाहनाने उत्तरकाशीला पोहचता येते.