जगातील सर्वात मोठे खाऱ्या पाण्याचे चिल्का सरोवर

भारतातील सर्वात मोठे किनारी खाडी म्हणून ओळखले जाणारे, चिल्का सरोवर हे जगातील दुसऱ्या क्रमांकाचे सर्वात मोठे खाडी आहे. हे जगातील सर्वात मोठे खाऱ्या पाण्याचे सरोवर म्हणून ओळखले जाते. हे पूर्व किनाऱ्याने ओडिशा राज्यातील पुरी, खुर्दा आणि गंजम जिल्ह्यांमधील दया नदीच्या मुखापर्यंत पसरलेले आहे.तसेच हे सुंदर सरोवर बंगालच्या उपसागराला मिळते. जर तुम्ही ओडिशाला भेट देण्याचा विचार करत असाल तर एकदा या तलावाला नक्की भेट द्या. पर्यटकांसाठी हे एक अतिशय आवडते ठिकाण मानले जाते. येथे तुम्ही बोटिंगचा आनंद घेऊ शकता.

तसेच चिल्का तलावाभोवतीचे सुंदर दृश्ये या ठिकाणाला आणखी खास बनवतात. चिल्का तलाव सुमारे ७० किमी लांब आणि ३० किमी रुंद आहे. तसेच तलावाभोवती मंदिरे देखील आहे. चिल्का तलाव ११०० चौरस किमीमध्ये पसरलेला आहे आणि तो त्याच्या नैसर्गिक सौंदर्यासाठी देखील ओळखला जातो. येथे तुम्हाला सूर्योदय आणि सूर्यास्ताचे अद्भुत दृश्य पाहता येईल.

 तसेच येथील चिल्का पक्षी अभयारण्याला भेट देऊ शकता. येथे बरेच स्थलांतरित पक्षी येतात. इराण, सायबेरिया आणि मध्य आशियातील पक्षी या ठिकाणी येतात. तसेच या तलावाच्या मध्यभागी नालाबाना बेट असून दरवर्षी अनेक पर्यटक येथे भेट असतात.

पाण्याची खोली आणि क्षारतेनुसार हे सरोवर चार झोनमध्ये विभागले गेले आहे. या सरोवराला भेट देण्याचा सर्वोत्तम काळ म्हणजे नोव्हेंबर ते फेब्रुवारी हे हिवाळा महिना होय कारण सरोवराजवळ सुमारे २२५ पक्ष्यांच्या प्रजाती आढळतात.