भारतात अशी एक ट्रेन जिथे तुम्ही तिकिटाशिवाय प्रवास करू शकता

India Tourism : भारतात अशी एक ट्रेन आहे जिथे तिकिटाशिवाय प्रवास करता येतो यावर तुमचा विश्वास बसेल का? भारतीय रेल्वेच्या बहुतेक गाड्यांमध्ये तिकिटाशिवाय प्रवास करणे गुन्हा आहे, परंतु एक विशेष ट्रेन आहे जी गेल्या 75 वर्षांपासून मोफत प्रवास देत आहे. ही ट्रेन भाक्रा-नांगल ट्रेन आहे, जी प्रवाशांना मोफत प्रवास देतेच पण ती एक ऐतिहासिक वारसा देखील आहे. तसेच ही ट्रेन पंजाब आणि हिमाचल प्रदेश दरम्यान धावते

भाक्रा-नांगल ट्रेन इतिहास-

भाक्रा नांगल ट्रेन 1948 मध्ये सुरू झाली आणि तिचा मुख्य उद्देश भाक्रा नांगल धरणाच्या बांधकामासाठी कामगार आणि बांधकाम साहित्य एका ठिकाणाहून दुसऱ्या ठिकाणी नेणे हा होता. आजही ही ट्रेन तिकिटाशिवाय धावते आणि ती भाक्रा बियास व्यवस्थापन मंडळ (BBMB) द्वारे चालवली जाते. या ट्रेनचा मार्ग पंजाबमधील नांगल ते हिमाचल प्रदेशातील भाक्रा असा आहे, जो 13 किलोमीटर लांबीचा आहे. तसेच 1953 पासून ही ट्रेन प्रामुख्याने डिझेल इंजिनांनी चालविली जात आहे, परंतु पूर्वी ती वाफेच्या इंजिनांनी ओढली जात असे. त्याच्या डब्यांचा इतिहासही खूप खास आहे, कारण हे डबे फाळणीपूर्वी कराचीमध्ये बनवले गेले होते. या ट्रेनमध्ये प्रवास करणाऱ्या प्रवाशांना केवळ प्रवासाचा अनुभवच मिळत नाही तर जुन्या काळातील आठवणींमध्येही हरवून जातात.

भाक्रा-नांगल ट्रेनचे महत्त्व- 

भाक्रा नांगल ट्रेन ही केवळ एक सामान्य ट्रेन नाही तर ती भारताच्या औद्योगिक इतिहासाचे आणि स्वातंत्र्यानंतरच्या प्रगतीचे प्रतीक आहे. या ट्रेनमध्ये दररोज सुमारे 800 प्रवासी प्रवास करतात, ज्यात स्थानिक लोक आणि पर्यटकांचा समावेश आहे. ही ऐतिहासिक ट्रेन वाचवता यावी म्हणून बीबीएमबीने ही ट्रेन भाड्याशिवाय चालवण्याचा निर्णय घेतला. प्रवाशांसाठी, ही ट्रेन केवळ प्रवासाचे साधन नाही तर एक ऐतिहासिक वारसा आहे जी गेल्या 75 वर्षांपासून विनातिकीट प्रवाशांना त्यांच्या गंतव्यस्थानावर घेऊन जात आहे.

या ट्रेनचा मार्ग कोणता आहे?

ही ट्रेन पंजाब आणि हिमाचल प्रदेश दरम्यान धावते आणि भाक्रा नांगल ट्रेन पंजाबमधील नांगल आणि हिमाचल प्रदेशातील भाक्रा दरम्यान 13 किमी अंतर कापते. हा प्रवास खूप खास आहे कारण वाटेत ट्रेन सतलज नदी आणि शिवालिक टेकड्यांच्या सुंदर दृश्यांमधून जाते. या मार्गावर एकूण सहा स्थानके आणि तीन बोगदे आहे.