पंकज त्रिपाठी यांच्या मेहुण्याचे अपघाती निधन
बॉलिवूडचा अष्टपैलू अभिनेता पंकज त्रिपाठीच्या चाहत्यांसाठी एक वाईट बातमी आली आहे. अभिनेत्याचा मेहुणा राकेश तिवारी यांचा शनिवारी रस्ता अपघातात मृत्यू झाला. पोलिसांनी मृत्यूला दुजोरा दिला आहे. या दुर्घटनेत पंकज त्रिपाठी यांची बहीण सबिता तिवारीही जखमी झाल्या आहेत.
एका पोलीस अधिकाऱ्याने सांगितले की, हा अपघात दिल्ली-कोलकाता राष्ट्रीय महामार्ग-2 वरील निरसा बाजार येथे संध्याकाळी 4.30 च्या सुमारास झाला. ज्या कारमधून हे जोडपे जात होते ती कार रस्त्याच्या दुभाजकाला धडकली. बिहारच्या गोपालगंज जिल्ह्यातून ते पश्चिम बंगालला जात होते.
राकेश तिवारी यांना धनबाद येथील शहीद निर्मल महतो वैद्यकीय महाविद्यालय रुग्णालयात (SNMMCH) मृत घोषित करण्यात आले, पंकज त्रिपाठी यांची बहीण सबिता हिच्या पायाला फ्रॅक्चर झाले आहे. सध्या ती धोक्याबाहेर आहे.
Edited By- Priya Dixit
