कमल हासनच्या कार्यक्रमात चाहता मंचावर तलवार घेऊन चढला

कन्नड भाषेवरील अलीकडील विधानामुळे वादात सापडलेले अभिनेते कमल हासन पुन्हा एकदा चर्चेत आले आहेत. यावेळी हे प्रकरण चेन्नईमध्ये झालेल्या एका कार्यक्रमादरम्यान तलवार घेऊन स्टेजवरचाहता पोहोचला. आणि कमल हसनच्या हातात देऊ लागला.

व्हिडिओमध्ये स्पष्टपणे दिसून येते की कमल हासन तलवार घेण्याचे टाळत होते आणि चाहत्या पासून हात सोडवण्याचा प्रयत्न करत होते. तथापि,चाहता त्याच्या हट्ट्यावर ठाम राहिला, ज्यामुळे वातावरण तणावपूर्ण झाले.

चाहत्याच्या आग्रहामुळे नाराज झालेल्या कमल हासन स्टेजवरच संतापलेले दिसले. त्यांच्या टीमच्या निष्काळजीपणाबद्दल नाराजी व्यक्त करत त्यांनी स्टेजवरूनच चाहत्याला ताबडतोब बाहेर काढण्याचे निर्देश दिले. परिस्थिती बिघडत चालली आहे हे पाहून पोलिसांना हस्तक्षेप करावा लागला आणि अभिनेत्याची सुरक्षा सुनिश्चित करण्यात आली.या घटनेचा व्हिडिओ पीटीआयच्या अधिकृत प्लॅटफॉर्मवर समोर आल्यानंतर तो सोशल मीडियावर वेगाने व्हायरल होत आहे.

कमल हासन सध्या त्यांच्या एका विधानामुळे अडचणीत आहेत. अलिकडेच, त्यांच्या 'ठग लाईफ' चित्रपटाच्या ऑडिओ लाँच कार्यक्रमात त्यांनी म्हटले की "कन्नड भाषेची उत्पत्ती तमिळ भाषेतून झाली आहे." आणि त्यानंतर, या विधानामुळे कर्नाटकात गोंधळ निर्माण झाला.

लोकांनी याला कन्नड भाषेचा अपमान मानले आणि सर्वत्र निषेध सुरू झाले. त्यांचे पोस्टर्स जाळण्यात आले आणि कर्नाटक फिल्म चेंबरने जाहीर केले की जोपर्यंत कमल हासन माफी मागत नाहीत तोपर्यंत त्यांचे कोणतेही चित्रपट राज्यात प्रदर्शित होणार नाहीत.

सध्या हे प्रकरण न्यायालयात सुरू आहे आणि कमल हासन यांच्या विधानावरून सुरू झालेला गोंधळ थांबलेला नाही.

Edited By - Priya Dixit