Father's Day: वडील-मुलांच्या नात्यांवर आधारित हे 7 चित्रपट तुम्ही पाहिलेत का?

fathers day
Last Modified रविवार, 20 जून 2021 (11:19 IST)
हर्षल आकुडे
चित्रपट हे समाजाचा आरसा असतात असं म्हटलं जातं. समाजातील विविध विषयांचं दर्शन चित्रपटांमधून आपल्याला घडतं. पण एक विषय मात्र चित्रपटांमध्ये फारच कमी पाहायला मिळतो. तो म्हणजे वडील आणि मुलांच्या नात्याचा.भारतीय चित्रपटसृष्टीच्या इतिहासात आई आणि मुलांच्या नात्यावरचे अनेक चित्रपट आले. पण वडील आणि मुलाच्या नात्याच्या विषयाचा चित्रपटसृष्टीने फारच कमी वेळा स्पर्श केला.
बहुतांश चित्रपटांमध्ये वडिलांचं आणि मुलांचं नातं हे अत्यंत संवेदनशील आणि तणावपूर्ण असल्याचंच चित्रण करण्यात येत होतं. पण गेल्या काही दिवसांपासून या नात्याची एक वेगळी ओळख आपल्याला करून देण्यात येत आहे.वडील आणि मुलांच्या नात्याचं अत्यंत सुरेखपणे चित्रण करण्यात आलेले चित्रपटही आता बनू लागले आहेत.
आज फादर्स डे. त्या निमित्ताने वडील आणि मुलांच्या नात्याची अत्यंत सुंदररित्या मांडणी करणाऱ्या 7 लोकप्रिय चित्रपटांची आपण आज माहिती घेऊ.
1. लक्ष्य
लक्ष्य हा चित्रपट अभिनेता हृतिक रोशनच्या कारकिर्दीतील एक मैलाचा दगड मानला जातो. या चित्रपटातून हृतिकच्या अभिनयाची एक वेगळी बाजू प्रेक्षकांच्या समोर आली.
एक बिनधास्त, मौजमस्ती करणारा कॉलेज तरूण पुढे जाऊन लष्करी अधिकारी कसा बनतो आणि कारगिलमध्ये भारतासाठी लढतो, अशी या चित्रपटाची कहाणी आहे.
यामध्ये हृतिकच्या वडिलांची भूमिका बोमन इराणी यांनी केली आहे. चित्रपटात हृतिक आणि बोमन यांच्या नात्यातील घालमेल, हृतिकच्या मनातील अस्वस्थता, अखेर वडिलांना काहीतरी करून दाखवण्याची त्याची इच्छा आदी गोष्टी अतिशय भावनिक पद्धतीने पडद्यावर मांडण्यात आल्या आहेत.
2004 साली प्रदर्शित झालेला फरहान अख्तर दिग्दर्शित हा चित्रपट अजूनही फ्रेश वाटतो. चित्रपट अनेकवेळा टीव्हीवर लागतो. त्यामुळे तुम्ही चित्रपट पाहिलेला असण्याची शक्यता आहे. पण पाहिला नसल्यास एकदा नक्की पाहा..
2. दंगल
अभिनेता आमीर खानच्या चित्रपट कारकिर्तीतील सर्वाधिक यशस्वी चित्रपटांपैकी एक म्हणून दंगल चित्रपटाची ओळख आहे. दंगल चित्रपट हरयाणातील फोगाट या पैलवान कुटुंबाच्या आयुष्यावर आधारित आहे.आमीर खानने या चित्रपटात बलबीर फोगट यांची भूमिका केली आहे. ते आपल्या तिन्ही मुलींना पैलवान बनण्याचं प्रशिक्षण कसं देतात, त्यांना आंतरराष्ट्रीय दर्जाचे खेळाडू कसे बनवतात, हे यामध्ये दाखवण्यात आलं आहे.
या चित्रपटात वडील आणि त्यांची मुलं यांचं नातं अतिशय संवेदनशीलपणे उलगडून दाखवण्यात आलेलं आहे. हा चित्रपटही एकदा पाहायलाच हवा.
3. पा
पा चित्रपट 2008 साली प्रदर्शित झाला होता. एक दुर्मिळ आजार असलेल्या मुलाची आगळीवेगळी कहाणी या चित्रपटात पाहायला मिळते.अमिताभ बच्चन, अभिषेक बच्चन आणि विद्या बालन यांसारखे कसलेल्या अभिनेत्यांनी या चित्रपटाला आणखीनच दर्जेदार बनवलं.
विशेष म्हणजे यात वडिलांची भूमिका अभिषेक बच्चनने तर त्यांच्या मुलाची भूमिका अमिताभ बच्चन यांनी केली आहे. या चित्रपटाला अनेक पुरस्कारांनी गौरवण्यात आलं आहे.
4. वेक अप सिड
रणबीर कपूर अभिनीत वेक अप सिड या चित्रपटाचा एक वेगळा चाहतावर्ग आहे.
रणबीर (सिड मेहरा) या चित्रपटात एक मस्तीखोर, आळशी कॉलेजवयीन तरूण असतो. कॉलेजला जाणं त्याला आवडत नसतं.पुढे काय करायचं हेसुद्धा त्याने ठरवलेलं नसतं. त्यातून तो आणि त्याचे वडील अनुपम खेर (राम मेहरा) यांच्यासोबत त्याचा वाद होतो.त्यानंतर ते त्याला घरातून बाहेर काढतात. त्यानंतर पुढे काय होतं, त्याचं आयुष्य कसं नवं वळण घेऊन त्याला एक जबाबदार व्यक्ती बनवतं, याबद्दल हा चित्रपट आहे.
5. उडान
वडील आणि मुलाच्या नात्यावर आधारीत चित्रपटांमध्ये उडानचा उल्लेख केल्याशिवाय ही यादी पूर्ण होणार नाही. वडिलांना 'सर' म्हणावं लागणाऱ्या एका मुलाची ही कथा.
हॉस्टेलचं जीवन पूर्ण करून आठ वर्षांनी घरी परलेला मुलगा रागीट वडिलांच्या तावडीत सापडतो. त्यानंतर त्याच्या आयुष्यात कशा प्रकारच्या नाट्यमय गोष्टी घडतात, हे अतिशय चतुरपणे चित्रित करण्यात आलं आहे.रोनित रॉय यांनी वडिलांची भूमिका अतिशय चोखपणे बजावली आहे. 2010 मध्ये प्रदर्शित झालेला हा चित्रपट त्यावेळी सुरुवातीला चालला नाही. पण नंतर माऊथ पब्लिसिटीच्या जोरावर चित्रपटाने प्रेक्षकांची मने जिंकली.
6. रिंगण
मकरंद माने दिग्दर्शित रिंगण चित्रपटही वडील आणि मुलाच्या नात्यावर आधारित आहे. 2015 मध्ये प्रदर्शित झालेल्या या चित्रपटाला अनेक पुरस्कारांनी गौरवण्यात आलं.
दुष्काळ आणि कर्जाच्या रिंगणात अडकलेल्या एका शेतकऱ्याची व त्याच्या मुलाची ही कथा. मृत आईचा शोध घेण्यासाठी तो निघालेला असतो. आई देवाघरी गेल्यामुळे तिचा शोध घेण्यासाठी तो पंढरपूरला जातो.
पण त्यादरम्यान पितापुत्रांचं नातं कसं वृद्धिंगत होत जातं, याचं नाट्यमय चित्रण चित्रपटात करण्यात आलं आहे. शशांक शेंडे आणि साहील जोशी यांच्या अभिनयाने चित्रपटाला अतुल्य उंचीवर नेऊन ठेवलं आहे.
7. फॅंड्री
फँड्री अर्थात डुक्कर. नागराज मंजुळे दिग्दर्शित फँड्री हा चित्रपट एकूणच डुक्कर पकडणाऱ्या वंचित समाजातील एका मुलाबद्दल आहे. पण चित्रपटाच्या कथेला एक किनार वडील-मुलगा या नात्याचीही आहे.
किशोर कदम यांनी यामध्ये वडिलांची तर सोमनाथ अवघडेने त्यांच्या मुलाची (जब्या) भूमिका आहे. फँड्री हा चित्रपट समाजातील विषम स्थितीवर जळजळीत भाष्य करतो. पण तितक्याच हळुवारपणे तो वडील आणि मुलाच्या नात्यातील चढ-उतारही दर्शवतो.
मुलाने आपलं पारंपारिक काम करावं, त्याच्या कोणत्याही वागण्याचा त्याला पुढे जाऊन त्रास होऊ नये, यासाठी चिंताग्रस्त असलेल्या वडिलांची भूमिका किशोर कदम यांनी त्यांच्या शैलीत रंगवली.
फँड्री चित्रपटाला अनेक पुरस्कारांनी सन्मानित करण्यात आलं. हाच चित्रपट दिग्दर्शक नागराज मंजुळे यांच्या कारकिर्दीचा टर्निंग पॉईंट ठरला होता.


यावर अधिक वाचा :

अयोध्या विशेष : राम जन्मस्थळ अयोध्यांचे 10 मुख्य प्रेक्षणीय ...

अयोध्या विशेष : राम जन्मस्थळ अयोध्यांचे 10 मुख्य प्रेक्षणीय स्थळ...
सप्तपुरींपैकी एक असलेली अयोध्या हिंदू, जैन, बौद्ध आणि शीख समुदायासाठी एक महत्त्वाचे ...

कुणकेश्वरचा इतिहास

कुणकेश्वरचा इतिहास
देवगडच्या दक्षिणेस 20 कि. मी. वर असलेले श्री क्षेत्र कुणकेश्वर निसर्गरम्य सौंदर्यस्थळ आणि ...

सफर निसर्गरम्य बूंदीची

सफर निसर्गरम्य बूंदीची
भटकंतीच्या दृष्टीने राजस्थानचं विशेष महत्त्व राहिलं आहे. राजस्थानमध्ये गेल्यावर जयपूर, ...

पलरुवी अर्थात दुधाचा धबधबा

पलरुवी अर्थात  दुधाचा धबधबा
केरळमधील सगळ्यात सुंदर धबधब्यांपैकी एक आहे, जो 300 फूट उंचावरून खाली येतो. दक्षिण ...

रामेश्वरम्: एक प्रसिद्ध तीर्थक्षेत्र

रामेश्वरम्: एक प्रसिद्ध तीर्थक्षेत्र
रामेश्वरम्, भारताच्या दक्षिण दिशेस बंगालच्या उपसागराच्या किनाऱ्यावर असणारे एक शहर. या ...

पुणेरी जोक 10 - 10 च्या 2 पकडा

पुणेरी जोक 10 - 10 च्या 2 पकडा
पाहुणा : अहो मला कॅम्प ला जायचे आहे, कुठली बस पकडू

आर्यन खान : शाहरुख खानच्या मुलाला जामीन न मिळण्याचं कारण ...

आर्यन खान : शाहरुख खानच्या मुलाला जामीन न मिळण्याचं कारण काय?
आर्यन खान : शाहरुख खानच्या मुलाला जामीन न मिळण्याचं कारण काय?

RCTC ने हे शानदार टूर पॅकेज आणले, फक्त 5,780 रुपयांना ...

RCTC ने हे शानदार टूर पॅकेज आणले, फक्त 5,780 रुपयांना अमृतसर ला भेट द्या
जर तुम्ही या दिवसांमध्ये प्रवास करण्याचा विचार करत असाल तर तुमच्यासाठी एक उत्तम संधी येत ...

एक छोटा विनोद, मला तेच हवयं

एक छोटा विनोद, मला तेच हवयं
बायको :- मी दोन तासासाठी बाहेर जात आहे,

सैफ-राणी पुन्हा झळकणार एकत्र; ‘बंटी और बबली २’चा टिझर रिलीज

सैफ-राणी पुन्हा झळकणार एकत्र; ‘बंटी और बबली २’चा टिझर रिलीज
बहुप्रतिक्षित चित्रपट ‘बंटी और बबली २’चा टिझर नुकताच रिलीज झाला आहे. २००५साली आलेल्या ...