साहिल खानवर गुन्हा दाखल,मॉडेल मनोज पाटीलच्या आत्महत्येस प्रवृत्त केल्याचा आरोप
मॉडेल आणि बॉडीबिल्डर मनोज पाटील यांनी आत्महत्येचा प्रयत्न केल्यानंतर अभिनेता साहिल खानवर गुन्हा दाखल करण्यात आला आहे.साहिल खानसह तीन जणांवर मनोज पाटील यांच्या आत्महत्येस प्रवृत्त केल्याचा आरोप आहे. एएनआय या वृत्तसंस्थेच्या म्हणण्यानुसार, मुंबई पोलिसांनी पुष्टी केली की साहिल खान आणि इतर तिघांविरोधात गुन्हा दाखल करण्यात आला आहे. मनोज सध्या मुंबईतील कूपर रुग्णालयात दाखल आहे जेथे त्याच्यावर उपचार सुरू आहेत.
यापूर्वी मनोज पाटीलच्या कुटुंबीयांनी मनोजचा छळ होत असल्याचे सांगत ओशिवरा पोलीस ठाण्यात साहिल खानविरोधात तक्रार केल्याचे सांगितले होते.
मनोज पाटील यांनी गुरुवारी सकाळी झोपेच्या गोळ्या खाऊन आत्महत्येचा प्रयत्न केल्याचा आरोप आहे. ही घटना सकाळी 12.30 ते 1 च्या दरम्यान सांगितली जात आहे. कुटुंबीयांनी मनोज पाटील यांना कूपर रुग्णालयात दाखल केले जेथे त्यांच्यावर उपचार सुरू आहेत.
साहिल खान यांनी गुरुवारी पत्रकार परिषद घेतली जिथे त्यांनी माध्यमांसमोर आपली बाजू मांडली. साहिल म्हणाले की हा संपूर्ण मामला मनोज पाटील आणि दुसरा व्यक्ती राज फौजदार यांच्यातील आहे. ते म्हणाले की 'जर माझ्या विरोधात तक्रार असेल तर मी मुंबई पोलिसांकडून केलेली कारवाई स्वीकारेन आणि मला वाटते की जर मी चुकीचा आहे तर मला शिक्षा झाली पाहिजे पण जर मी चुकीचे नाही तर हे एक मोठे रॅकेट आहे तर आपण याचा खुलासा करावा हे रॅकेट उघडकीस आणावे ..सत्याचे समर्थन करा.
भावनिक आधार मिळवण्याचा प्रयत्न
साहिल पुढे सांगतो की 'सुरुवातीला ही बाब इतकी मोठी नव्हती. मला वाटले, फक्त पैसे मिळावे यासाठी हे चालले आहे.यावरच आपली आजीविका सुरु आहे. मला इतकी एनर्जी घालण्याची गरज नाही. मी खूप लहान माणूस आहे पण आता जेव्हा एखाद्याने पत्र लिहून आपल्या जीवाचे बरे वाईट करून मला दोषी ठरवले आहे, ते ही चुकीच्या मार्गाने, म्हणून आता मी आपल्या समोर येऊन आपली बाजू मांडत आहे.
