नोरा फतेहीने ‘त्या’ गाण्याबाबत सोडलं मौन

गाण्याच्या गीतांवरून झालेल्या गदारोळानंतर, गायिका मंगळी यांना जाहीरपणे माफी मागण्यास भाग पडले. लोकांच्या भावना दुखावल्या गेल्याचे तिने मान्य केले आणि एक गायिका म्हणून ती त्याचा आदर करते असेही तिने सांगितले. लवकरच गाण्याची नवीन आवृत्ती प्रदर्शित केली जाईल, असेही तिने सांगितले.

या वादानंतर, गाण्याच्या हिंदी, कन्नड, मल्याळम, तमिळ आणि तेलगू या सर्व भाषांतील आवृत्त्या यूट्यूबवरून काढून टाकण्यात आल्या आहेत. आता नोरा फतेहीने मौन सोडले असून, हे गाणे इतके अश्लील असेल याची तिला कल्पना नव्हती, असे म्हटले आहे.

नोरा फतेहीने इन्स्टाग्रामवर एक व्हिडिओ शेअर करत म्हटले आहे, "मी हे गाणे तीन वर्षांपूर्वी कन्नडमध्ये चित्रित केले होते. मी हे गाणे केले कारण तो एक मोठा चित्रपट होता आणि त्यात संजय दत्तसारखा मोठा अभिनेता आहे." चित्रपट निर्मात्यांवर माझा खूप विश्वास होता, म्हणून मी ते करायला तयार झाले.

नोरा म्हणाली, "जेव्हा मी हे गाणे चित्रित केले, तेव्हा ते इतके अश्लील असेल याची मला कल्पना नव्हती, कारण मला कन्नड येत नाही. पण जेव्हा मी ते हिंदीमध्ये ऐकले, तेव्हा माझ्या लक्षात आले की ते अत्यंत अश्लील आहे. मी त्याचा कुठेही प्रचार केला नाही."

View this post on Instagram

A post shared by Nora Fatehi (@norafatehi)

नोराने कॅप्शनमध्ये लिहिले, "मी याचे समर्थन करते असे कोणालाही वाटू नये. झालेल्या सर्व विरोधाबद्दल मी सर्वांचे आभार मानू इच्छिते, कारण याच दबावामुळे निर्मात्यांनी अखेरीस ते गाणे काढून टाकले. मी सर्वांना विनंती करते की कृपया हे गाणे पुढे शेअर करणे थांबवा, कारण असे करून तुम्ही त्याला विनाकारण व्यासपीठ देत आहात." 

आता राष्ट्रीय महिला आयोगाने (NCW) 'सरके चुनर तेरी' या गाण्यातील अश्लीलता आणि बीभत्सतेची स्वतःहून दखल घेतली असून, नोरा फतेही, रकीब आलम, संजय दत्त, व्यंकट के. नारायण आणि किरण कुमार यांना २४ मार्च रोजी हजर राहण्याचे आदेश देत समन्स बजावले आहे.

Edited By- Dhanashri Naik