'परिणीता'चे दिग्दर्शक प्रदीप सरकार यांचे निधन

Download

Publish: Fri, 24 Mar 2023 (11:57 IST) Updated: Fri, 24 Mar 2023 (12:01 IST)

प्रसिद्ध दिग्दर्शक प्रदीप सरकार यांचे निधन झाल्याची बातमी येत आहे. दिग्दर्शक हंसल मेहता यांनी त्यांच्या मृत्यूला दुजोरा दिला आहे. वयाच्या 67 व्या वर्षी त्यांनी जगाचा निरोप घेतला आहे. मनोज बाजपेयी यांनीही त्यांच्या निधनाबद्दल शोक व्यक्त केला आहे. प्रदीप सरकारने सैफ अली खान आणि विद्या बालनच्या 'परिणीता' या चित्रपटातून दिग्दर्शन करिअरची सुरुवात केली होती. 

प्रदीप सरकार आणि हंसल मेहता खूप चांगले मित्र आहेत. दिग्दर्शकाच्या मृत्यूला त्यांचे जवळचे मित्र हंसल मेहता यांनी दुजोरा दिला आहे. त्यांनी लिहिले- प्रदीप सरकार दादा, RIP. मिळालेल्या माहितीनुसार, पहाटे 3.30 वाजता प्रदीप यांनी अखेरचा श्वास घेतला. अहवालानुसार, ते डायलिसिसवर होते आणि त्यांची पोटॅशियम पातळी कमी झाली होती. त्यानंतर त्यांना रुग्णालयात नेण्यात आले मात्र त्यांचा मृत्यू झाला.

प्रदीप सरकारच्या चित्रपटांबद्दल बोलायचे झाले तर, 2005 मध्ये त्यांनी परिणीतासोबत दिग्दर्शनाच्या जगात पाऊल ठेवले. यानंतर त्यांनी 'लागा चुनरी में दाग', 'लफंगे परिंदे', 'मर्दानी' आणि 'हेलिकॉप्टर ईला' या चित्रपटांचे यशस्वी दिग्दर्शन केले.

त्यांना अनेक पुरस्कारही मिळाले आहेत. प्रदीप यांना फिल्मफेअर पुरस्कार आणि झी सिने पुरस्कारानेही सन्मानित करण्यात आले आहे.

Edited By- Priya Dixit