1. मनोरंजन
  2. बॉलीवूड
  3. सिनेगप्पा
  4. Veteran actress Nazima passes away at the age of 77

ज्येष्ठ अभिनेत्री नाझिमा यांचे वयाच्या 77 व्या वर्षी निधन

देवदास' या प्रसिद्ध चित्रपटातील भूमिकेसाठी ओळखल्या जाणाऱ्या अभिनेत्री नाझिमा यांचे वयाच्या ७७ व्या वर्षी निधन झाले आहे. त्यांच्या निधनाने चित्रपटसृष्टीत शोककळा पसरली आहे.1960 आणि 70 च्या दशकात हिंदी चित्रपटसृष्टीत नायक-नायिकांची आदर्श बहीण आणि जिवलग मैत्रीण म्हणून नाव कमावणाऱ्या अभिनेत्री नाझिमा यांचे वयाच्या 77 व्या वर्षी निधन झाले. 
त्यांच्या मृत्यूचे कारण अद्याप समजलेले नाही. नाझिमा तिच्या दोन मुलांसह मुंबईतील दादर परिसरात राहत होत्या.. नाझिमा यांच्या निधनाची माहिती चुलत बहीण जरीन बाबू यांनी सोशल मीडिया पोस्टद्वारे दिली.  
 
25 मार्च 1948 रोजी नाशिक येथे जन्मलेल्या नाझिमा यांना बॉलिवूडची 'रेसिडेंट सिस्टर' म्हणून
ओळखले जात असे .दो बिघा जमीन' या चित्रपटातून बाल कलाकार बेबी चंद म्हणून नाझिमाने त्यांच्या  कारकिर्दीची सुरुवात केली , ज्यामध्ये त्या दोन बहिणींपैकी मोठ्या बहिणीच्या भूमिकेत दिसल्या. त्यांनी 'देवदास'मध्ये छोटी पारोच्या वर्गमित्राची आणि नंतर 'बिराज बहू'मध्ये अभि भट्टाचार्यच्या बहिणीची भूमिका साकारली. राज कपूर निर्मित 'अब दिल्ली दूर नाही' या बालचित्रपटातही नाझिमा दिसल्या. 
नंतर त्यांनी संजीव कुमारसोबत निशान (है तबस्सुम तेरा) आणि राजा और रँक (ओ फिरकी वाली आणि संग बसंती) मध्ये काम केले. राजेश खन्नासोबत त्यांनी  औरत और डोलीमध्ये काम केले होते. याशिवाय त्या मनचली , प्रेम नगर, अनुराग, बेईमान इत्यादी चित्रपटांमध्ये दिसल्या.
 
नाझिमा यांनी  'आये दिन बहार के' मध्ये आशा पारेखच्या बहिणीची भूमिका साकारली होती. 1972 मध्ये आलेल्या 'बेमान' चित्रपटात नाझिमाने मनोज कुमारच्या बहिणीची भूमिका साकारली होती.
नाझिमा यांनी त्यांच्या कारकिर्दीत हिंदी चित्रपटसृष्टीला अनेक संस्मरणीय चित्रपट दिले आहेत आणि त्यांनी लोकांच्या हृदयात एक खास स्थान निर्माण केले आहे. त्यांच्या निधनाच्या बातमीने इंडस्ट्रीत शोककळा पसरली आहे आणि चाहते त्यांना श्रद्धांजली वाहत आहेत.
Edited By - Priya Dixit  
 
पुढील लेख
जॉली एलएलबी 3' चा टीझर प्रदर्शित