विकी जैनने वाढदिवसाच्या विशेष प्रसंगी 'व्हीजे फ्रेम्स' या प्रॉडक्शन हाऊसची भव्य सुरुवात केली

तसेच विकी जैनच्या पदार्पणाच्या चित्रपटात अॅक्शन स्टार टायगर श्रॉफ मुख्य भूमिकेत दिसणार आहे. या चित्रपटाचे दिग्दर्शन प्रसिद्ध नृत्यदिग्दर्शक आणि दिग्दर्शक रेमो डिसूझा करत आहे. विशेष म्हणजे, या हाय-ऑक्टेन अॅक्शन ड्रामामध्ये अष्टपैलू अभिनेता अभिषेक बॅनर्जी आणि लोकप्रिय इंटरनेट व्यक्तिमत्व एलविश यादव हे देखील महत्त्वपूर्ण भूमिकेत दिसणार आहे.

या चित्रपटाचे शीर्षक अद्याप निश्चित झालेले नाही, परंतु निर्मात्यांच्या मते, ही एका महत्त्वाकांक्षी अॅक्शन फ्रँचायझीचा पहिला भाग असेल. व्हीजे फ्रेम्सच्या योजना केवळ एका चित्रपटापुरत्या मर्यादित नाहीत; प्रोडक्शन हाऊस भविष्यात विविध प्रकारच्या चित्रपटांची निर्मिती करण्याच्या तयारीत आहे.

चित्रपट निर्मिती क्षेत्रात पदार्पण करण्याबद्दलचा आपला उत्साह व्यक्त करताना विकी जैन म्हणाला, "सिनेमाने मला नेहमीच प्रेरणा दिली आहे. 'व्हीजे फ्रेम्स'च्या माध्यमातून, मी अशा कथा सादर करण्याचा प्रयत्न करतो, ज्या प्रेक्षकांचे मनोरंजन करतील, त्यांच्याशी जोडल्या जातील आणि त्यांच्या मनावर कायमची छाप सोडतील. रेमो डिसूझा आणि या दिग्गज स्टारकास्टसोबत एका मोठ्या ॲक्शन फ्रँचायझीने या प्रवासाची सुरुवात करणे, हे याला आणखी खास बनवते. ही तर फक्त सुरुवात आहे."

Edited By- Dhanashri Naik