मंदानानं केलय गुपचूप लग्न?
बिग बॉसच्या घरात असलेली इराणी मॉडेल मंदाना करिमी दररोज कोणत्या ना कोणत्या कारणानं चर्चेत असते. ललित तेहलान या तरुणानं नुकताच आपण तिचा नवरा असल्याचं म्हटलंय. त्यानं 2011मधील लग्नाचं सर्टिफिकेटही दिलंय. या मॅरेज सर्टिफिकेटमध्ये मंदाना आणि ललितच्या लग्नाची तारीख 18 फेब्रुवारी 2011 दिसतेय. आर्य समाजात हे लग्न झाल्याचं या नोंदणी पत्रावरून दिसतंय. 2011मध्ये मंदानानं ‘हो मी ललितसोबत डेटिंग करतेय, पण अजून लग्नाचं काही नाही.
ललित माझा बॉयफ्रेंड आहे पण लग्नाचा विचार आम्ही केला नाहीय’, असं तिनं सांगितलं होतं. मॅरेज सर्टिफिकेटवर मंदानाचा फोटो दिसतोय पण नाव Manizhe करीमी असं आहे. मंदाना अखेरीस कुणाल खेमूच्या ‘भाग जॉनी’मध्ये दिसली होती. बिग बॉसमधील सर्वाधिक चर्चेत असलेली ही मॉडेल आहे. भारतीय प्रेक्षकांशी जोडलं जाण्यासाठी बिग बॉसच्या प्लॅटफॉर्मचा वापर करणार असल्याचं तिनं स्पष्ट केलंय.
