South Africa vs Netherlands World Cup 2023: नेदरलँड्स पुन्हा इतिहासाची पुनरावृत्ती करेल का? आज दक्षिण आफ्रिकेशी सामना
South Africa vs Netherlands: विश्वचषक स्पर्धेत आतापर्यंत उत्कृष्ट फॉर्ममध्ये असलेल्या दक्षिण आफ्रिकेने प्रतिस्पर्धी संघांसाठी धोक्याची घंटा वाजवली असून मंगळवारी नेदरलँड्सवर शानदार विजय नोंदवून आपले स्थान आणखी मजबूत करण्याचा त्यांचा प्रयत्न असेल. गेल्या दोन सामन्यांमध्ये दक्षिण आफ्रिकेने दाखवून दिले की त्यांचा आता 'चोकर्स' (दडपणाला बळी पडून) हा टॅग काढून टाकण्याचा मानस आहे.
दिल्लीत झालेल्या पहिल्या सामन्यात दक्षिण आफ्रिकेने श्रीलंकेविरुद्ध पाच विकेट्सवर 428 धावांची विक्रमी धावसंख्या केल्यानंतर 102धावांनी विजय मिळवला. यानंतर लखनौमध्ये पाचवेळच्या चॅम्पियन ऑस्ट्रेलियाचा पराभव केला. ऑस्ट्रेलिया आणि इंग्लंडचे संघ त्यांच्या क्षमतेनुसार खेळत नसताना दक्षिण आफ्रिकेने प्रत्येक विभागात दमदार कामगिरी दाखवली आहे. यष्टिरक्षक-फलंदाज क्विंटन डी कॉक, अव्वल फळीतील फलंदाज रॅसी व्हॅन डर डुसेन आणि एडन मार्कराम यांनी प्रभावित केले आहे.
2022 च्या T20 विश्वचषकात नेदरलँड्सविरुद्ध बदला घेण्याकडे आणि मोठ्या फरकाने विजय मिळवण्याकडे दक्षिण आफ्रिकेचे लक्ष असेल. नेदरलँड्सने 2009 च्या T20 विश्वचषकात लॉर्ड्सवर इंग्लंडचा पराभव करून अस्वस्थता निर्माण केली होती. यानंतर, 2022 T20 विश्वचषकाच्या सुपर-12 फेरीत, नेदरलँड्सने टेम्बा बावुमाच्या नेतृत्वाखालील दक्षिण आफ्रिकेच्या संघाचा पराभव केला आणि त्यांना विश्वचषकातून बाहेर फेकले.
मंगळवारी (17 ऑक्टोबर) नेदरलँड विरुद्ध दक्षिण आफ्रिका सामना होणार आहे. हा सामना हिमाचल प्रदेश क्रिकेट असोसिएशन स्टेडियम, धरमशाला येथे दुपारी २ वाजल्यापासून खेळवला जाईल.
दोन्ही संघांचे संभाव्य प्लेइंग-11
दक्षिण आफ्रिका: टेम्बा बावुमा (कर्णधार), क्विंटन डी कॉक, रॅसी व्हॅन डर डुसेन, एडन मार्कराम, हेनरिक क्लासेन, डेव्हिड मिलर, मार्को जॅन्सेन, कागिसो रबाडा, केशव महाराज, जेराल्ड कोएत्झी, लुंगी एनगिडी.
नेदरलँड: विक्रमजीत सिंग, मॅक्स ओ'डॉड, कॉलिन अकरमन, बास डी लीडे, तेजा निदामानुरु, स्कॉट एडवर्ड्स (कर्णधार), सायब्रँड एंजेलब्रेक्ट, रॉल्फ व्हॅन डर मर्वे, रायन क्लाइन, आर्यन दत्त, पॉल व्हॅन मीकरेन.
Edited by - Priya Dixit
