शुक्रवार, 29 मार्च 2024
  1. मराठी बातम्या
  2. खेळ मराठी
  3. फिफा विश्वचषक
Written By
Last Modified: मंगळवार, 29 नोव्हेंबर 2022 (09:08 IST)

Cameroon vs Serbia: कॅमेरून आणि सर्बिया 3-3 बरोबरीत

camaroon- serbia
FIFA World Cup 2022 : आजचा पहिला सामना कॅमेरून आणि सर्बिया यांच्यात 3-3 असा बरोबरीत संपला. त्यामुळे दोन्ही संघ विश्वचषकातून बाहेर होण्याच्या उंबरठ्यावर पोहोचले आहेत. दोन सामन्यांनंतर दोन्ही संघांचा प्रत्येकी एक गुण आहे आणि शेवटचा सामना जिंकल्यानंतरही या संघांची पुढची फेरी गाठण्याची शक्यता कमी आहे.
 
कॅमेरून आणि सर्बिया यांच्यातील सामना 3-3 असा बरोबरीत सुटला. सामन्याने चारवेळा आपला मार्ग बदलला, परंतु शेवटी कोणताही संघ विजयी ठरला नाही. कॅमेरूनने सामन्यातील पहिला गोल करून 1-0 अशी आघाडी घेतली, परंतु पहिल्या हाफच्या शेवटी सर्बियाने दोन मिनिटांच्या अंतरात दोन गोल करून 2-1 अशी आघाडी घेतली. दुसऱ्या हाफच्या सुरुवातीलाच सर्बियाने आणखी एक गोल केला आणि 3-1 अशी आघाडी घेतली. यानंतर कॅमेरूनने 64व्या आणि 66व्या मिनिटाला गोल करत 3-3 अशी बरोबरी साधली. यानंतर सामन्यात एकही गोल होऊ शकला नाही आणि सामना 3-3 असा बरोबरीत सुटला.
 
या सामन्यात सर्बियाकडून स्ट्राहिंजा पावलोविक, सर्गेज मिलिन्कोविक आणि अलेक्झांडर मिट्रोविक यांनी गोल केले. त्याचवेळी कॅमेरूनकडून जॅन चार्ल्स, व्हिन्सेंट अबोबेकर आणि एरिक मॅक्सिम यांनी गोल केले.
 
आता दोन्ही संघांचे दोन सामन्यांनंतर एक गुण झाले असून दोन्ही संघ विश्वचषकातून बाहेर होण्याच्या मार्गावर आहेत. या गटातून ब्राझील आणि स्वित्झर्लंडचे संघ पुढील फेरी गाठण्यासाठी प्रबळ दावेदार आहेत.
 
Edited By - Priya Dixit