ओम शांती ओम : पुनर्जन्माची कथा

IFM

IFM

निर्माती :गौरी खान
दिग्दर्शक :फराह खान
गीत :विशाल डडलानी, जावेद अख्तर, कुमार
संगीत :विशाल-शेखर
कलाकार :शाहरूख खान, दीपिका पदुकोण, श्रेयस तळपदे, अर्जुन रामपाल, किरण खेर

फराह खान दिग्दर्शित 'ओम शांती ओम' पुनर्जन्मावर आधारीत कथा आहे. चित्रपटाची सुरवात सत्तरच्या दशकात सुरू होऊन हळूहळू आजच्या दशकात प्रवेश करते. त्या दशकातील कार, चष्मे, केशरचना हे सर्व दाखविण्यासाठी फरहाने विशेष काळजी घेतली आहे. चित्रपटाची कथा बॉलीवूडभोवती फिरते. तो काळ धर्मेंद्र, जितेंद्र, राजेश खन्ना या अभिनेत्यांनी गाजवला होता. यामुळे या चित्रपटातील अभिनेत्री दीपिका पदुकोणला विशेष तंत्रांचा वापर करून या लोकप्रिय कलाकारांसोबत गाणे गाताना दाखविले गेले आहे.

ओम प्रकाश माखिजा (शाहरूख खान) याच काळातील कलाकार आहे. ओमचे चित्रपटात नायक बनण्याचे स्वप्न आहे. परंतु, चांगला अभिनेता

IFM

IFM

असूनही त्याला ज्युनियर कलाकार म्हणूनच काम करावे लागते. शांतिप्रिया (दीपिका पादुकोण) ही लोकप्रिय अभिनेत्री आहे. ओम तिचा चाहता आहे. तिच्यावर तो नकळत प्रेम करू लागतो. तिची प्राप्ती हे त्याचे ध्येय होते. त्यासाठी तो स्वतःच्या स्वप्नाचा बळीही द्यायला तयार होतो. शांतिप्रियालादेखिल ओम आवडतो. त्यासाठी ती चित्रपटाची मायावी दुनियाही सोडण्याचा निर्णय घेण्यापर्यंत येते.

IFM

IFM

पण घटना अशा घडतात की त्यात ओमचा मृत्यू होतो. शांतिप्रिया त्याच्या विरहाने दु:खी होते. नंतर ओम कपूरच्या रूपात (शाहरूख) जुन्या ओमचा पुनर्जन्म होतो. मागील जन्माच्या आठवणी त्याला स्वस्थ बसू देत नाहीत. हळूहळू त्याला त्याचा मृत्यू कसा व कोणत्या कारणाने होतो हे आठवते. शांतिप्रिया आजही जिवंत असल्याचे त्याला कळते. नंतर ओम व तिची भेट कशी होते, हे पाहण्यासाठी 'ओम शांती ओम' पहावा लागेल.

• वेबदुनिया वर वाचा :
• मराठी ज्योतिष
• लाईफस्टाईल
• बॉलीवूड
• मराठी बातम्या