साहित्य : आठ वाट्या डाळीचे पीठ, दोन चमचे खावयाचा सोडा, मीठ (अंदाजे), हिंग, जिरे, काळी मिरी, ओवा, तेल.
कृती : सोडा, मीठ, हिंग, जिरे, काळी मिरी (अर्धवट कुटून) व ओवा हे सर्व जिन्नस डाळीच्या पिठात घालावेत व त्यावर अर्धी वाटी तापलेल्या तेलाचे मोहन घालून पीठ घट्ट भिजवावे. नंतर पापडी करण्याचा झारा मिळतो, तो कढईवर ठेवून, त्यारवर पिठाचा गोळा ठेवून, हाताने घासावे. म्हणजे पापडी खालील तेलात पडते. ती तळून बाहेर काढावी.
