श्री मल्हारी माहात्म्य अध्याय १८ वा

सिंदूरपुरै:पाच्याचकृष्णशीरै:सुतंडुलै: ॥ मयूरचामरव्रातैस्तरुणीनांमहोत्सवै: ॥१६॥

संतोष्यतुष्टुवुर्देवामलारिंमुनयोपिच ॥

देवा ऊचु: ॥

जयदेवजगन्नाथजयखंडेंदुशेखर ॥ जयगंगाजटाजूटजयविश्वैकपालक ॥१७॥

जयमल्लमहादैत्यसैन्यदेहविमर्दन ॥ जयलोलमहाखड्गजयपात्रोल्लसत्कर ॥१८॥

जयश्रीह्मालसाकांतत्रिशूलह्धरमल्लहन् ॥ जयप्रतापविस्तारिञ्जयत्वंमणिसूदन ॥१९॥

जयप्रेतासनाधीशजयमार्तंडभैरव ॥ जयत्रिपुरविच्छेदजयमल्लासुरांतक ॥२०॥

नम:संगरवीरायनमोरुद्रायशूलिने ॥ अंधकध्वंसिनेतुभ्यंनमोवागीश्वरायते ॥२१॥

निहंत्रेमल्लदैत्यस्यभर्त्रेविश्वरुस्यतेनम: ॥ सुरार्चितांघ्रयेनित्यंनम:कंदर्पमर्दिने ॥२२॥

नमोमल्लारिदेवायमैरालायनमोनम: ॥ कलिदोषविनाशायनमोभक्तप्रियायच ॥२३॥

नम:कारुण्यपूर्णायनम:संहारकेलये ॥ नम:कनकगौरायनमश्चांपेयरोचिषे ॥२४॥

मृन्मयोपिचमल्लारेश्चेतनात्माभवत्तदा ॥ उवाचसमुनीन्देवान्वृणुध्वमितिसत्वरम् ॥२५॥

देवा: ऊचु: ॥ देवेनश्रीमतासर्वंकृतंविश्वस्ययद्धितम् ॥ उत्तीर्णोवसुधामारोमल्लदैत्यचमूकृत: ॥२६॥

तथापिदेवकर्तव्यंयेषांचेतसिवर्तसे ॥ गेहेषुतेषामतुलाकमलात्यागभोगदा ॥२७॥

बहव:पशव:पुत्रास्तुरंगा:सुखमीप्सितम् ॥ राज्ञांनिष्कंटकंराज्यंवाजिकुंजरसंकुलम् ॥२८॥

कोशदेशपरीवारललनारत्नसुंदरम् ॥ सौभाग्यंयोषितांभूरिसौख्यंपुत्रा:शतायुष: ॥२९॥

नित्यंभूपालमान्यत्वंसर्वदाविजयोरणे ॥ विवादेवादिनांतेषांविपरीतार्थवादिनाम् ॥३०॥

ब्रह्मांडखंडविस्तारियशोभूयात्समुज्ज्वलम्‍॥ अंतेमोक्षपदंदेहिपाहिनोमल्लमर्दन ॥३१॥

शतानिसप्तश्लोकानांमाहात्म्यंतवशंकर ॥ नित्यंपठंतिमल्लारेतेषांत्वंवरदोभव ॥३२॥

लिखितंपुस्तकंचैतत्पूजयंतिनिरंतरम् ॥ सुखंधान्यंधनंस्वर्गंयशोभाग्यंजयोदय: ॥३३॥

तेषांभवंतुमल्लारेपुत्राविद्याविशारदा: ॥ अरय:संक्षयंयांतुगृहंनन्दतुसर्वदा ॥३४॥

पिशाचाद्याडाकिन्योयक्षराक्षसा: ॥ तत्रबाधानकुर्वंतुसर्पाद्या:क्रूरजातय: ॥३५॥

स्थावरंजंगमंचापिकृत्रिमंचापियद्विषम् ॥ मंत्रयंत्राभिचाराद्यास्तत्रकुंठीभवंत्विति ॥३६॥

श्रीमन्मल्लारिरुवाच ॥ इदानींप्रार्थितंदेवायुष्माभिर्मुनिभिश्चयत् ॥ सर्वमस्तुमनुष्याणांसर्वदामदनुग्रहात् ॥३७॥

इतिश्रीब्रह्मांडपुराणेसुरर्षिवरप्रदानंनामाष्टादशोऽध्याय: ॥१८॥