संबंधित माहिती
- इंडोनेशियातील जकार्ता येथील सात मजली कार्यालयाच्या इमारतीत भीषण आग, 20 जणांचा मृत्यू
- बोट उलटून 20 जणांचा मृत्यू, अनेक जण बेपत्ता
- पाकिस्तानी तटरक्षक दलाच्या छावणीवर प्राणघातक आत्मघाती हल्ला, ३० जवान शहीद
- थायलंडच्या ईशान्य भागात भीषण अपघात 9 बौद्ध भिक्षूंचा मृत्यू
- पाकिस्तानमध्ये प्रवाशांनी भरलेली बस खोल दरीत कोसळली; ४० जणांचा दुर्दैवी मृत्यू
काँगो नदीत विद्यार्थ्यांना घेऊन जाणारी बोट बुडाली, किमान २० जणांचा मृत्यू
मध्य आफ्रिकेतील काँगो या देशात राज्यस्तरीय परीक्षेतून परतणाऱ्या विद्यार्थ्यांना घेऊन जाणारी एक बोट शुक्रवारी बुडाली. या अपघातात किमान २० जणांचा मृत्यू झाल्याचे अधिकाऱ्यांनी सांगितले. प्रत्यक्षदर्शींनी सांगितले की, कासाई प्रांतातील सांकुरू आणि कासाई नद्यांच्या संगमात प्रवेश करताना बोट उलटली.
काँगोमध्ये बोटींचे अपघात सामान्य आहेत. रात्री उशिराचा प्रवास, क्षमतेपेक्षा जास्त भार, अपुरी सुरक्षा आणि दुर्गम भागांमध्ये पायाभूत सुविधांचा अभाव यामुळे गेल्या काही वर्षांत अशा अपघातांमध्ये शेकडो लोकांचा मृत्यू झाला आहे. "ऐंशी लोकांना वाचवण्यात आले असून २० मृतदेह सापडले आहेत," असे कासाई प्रांतातील इलेबो प्रदेशाचे प्रशासक फ्रान्स्वा काबुला यांनी सांगितले.
अपघाताचे साक्षीदार त्शिकुडी जीन यांनी असोसिएटेड प्रेसला (AP) सांगितले की, बोटीत २०० हून अधिक लोक होते. "डीआरसीमधील बोट चालकांचे लक्ष फक्त पैसे कमावण्यावर केंद्रित आहे आणि त्यांना लोकांच्या जीवाची पर्वा नाही," असे इलेबो नागरी समाज संघटनेचे अध्यक्ष फ्रान्स्वा मालेपो म्हणाले
Edited By - Priya Dixit
