थायलंडच्या ईशान्य भागात भीषण अपघात 9 बौद्ध भिक्षूंचा मृत्यू

मिळालेल्या माहितीनुसार मुकदाहान प्रांतातील ३५ भिक्षू उबोन राचाथानी प्रांताकडे २६० किलोमीटरच्या पायी तीर्थयात्रेला निघाले होते. त्यांनी आपला प्रवास सुरू केल्यानंतर अवघ्या ३० मिनिटांतच हा अपघात घडला. प्रत्यक्षदर्शी, भिक्षू आणि स्थानिक अधिकाऱ्यांच्या म्हणण्यानुसार, तीर्थयात्रेकरूंचा गट रस्त्यावरून शिस्तबद्ध रांगेत चालत होता, तेव्हा पिकअप ट्रक अचानक नियंत्रणाबाहेर गेला आणि भरकटून थेट त्या गटाला धडकला.  मुकदाहानचे राज्यपाल वोरियन बूनारत यांनी या घटनेला दुजोरा दिला असून, पाच भिक्षूंचा जागीच मृत्यू झाल्याचे सांगितले, तर इतर चार जणांचा रुग्णालयात उपचारादरम्यान मृत्यू झाला. अपघातात जखमी झालेल्या इतर तेरा जणांना तातडीने जवळच्या रुग्णालयात दाखल करण्यात आले असून, त्यापैकी तीन भिक्षूंची प्रकृती चिंताजनक आहे.

पोलिसांनी आरोपी, जो एक अल्पवयीन मुलगा आहे, त्याला तात्काळ ताब्यात घेतले. आरोपी अल्पवयीन असल्याने, कायद्यानुसार बाल संरक्षण अधिकाऱ्यांच्या उपस्थितीत त्याची चौकशी केली जाईल. सध्या, स्थानिक पोलीस आणि संबंधित यंत्रणा घटनेचे खरे कारण शोधण्यासाठी सखोल तपास करत आहे.

Edited By- Dhanashri Naik