पाकिस्तानच्या पंजाब प्रांतात धुक्यामुळे अपघातात; १४ जणांचा मृत्यू

पाकिस्तानच्या पंजाब प्रांतात धुक्यामुळे झालेल्या रस्ते अपघातात एक भीषण अपघात झाला असून, त्यात १४ जणांचा मृत्यू झाला आहे.

मिळालेल्या माहितीनुसार दाट धुक्यामुळे शनिवारी पाकिस्तानच्या पंजाब प्रांतात एक ट्रक पुलावरून कोसळल्याने सहा मुलांसह किमान १४ जणांचा मृत्यू झाला. मृतांमध्ये सहा मुलांचा समावेश आहे. लाहोरपासून सुमारे २०० किलोमीटर अंतरावर असलेल्या सरगोधा जिल्ह्यातील कोट मोमिन येथे हा अपघात झाला. पहाटेच्या सुमारास हा अपघात झाला. तसेच ट्रकमध्ये अंदाजे २३ प्रवासी होते, ज्यात बहुतेक एकाच कुटुंबातील सदस्य होते. ते अंत्यसंस्कारात सहभागी होण्यासाठी इस्लामाबादहून फैसलाबादला जात होते. प्रवक्त्याने सांगितले की, "दाट धुक्यामुळे महामार्ग बंद असल्याने ट्रकने स्थानिक मार्गाने प्रवास केला. दृश्यमानता कमी असल्याने चालकाचे वाहनावरील नियंत्रण सुटल्याने ट्रक कोट मोमिन तहसीलमधील गलापूर पुलावरून कोरड्या कालव्यात पडला."

मृत्यूंमध्ये सहा मुले आणि पाच महिलांचा समावेश आहे. इतर नऊ जण जखमी झाले आहेत आणि त्यांच्यावर रुग्णालयात उपचार सुरू आहे. बचाव पथके तात्काळ घटनास्थळी पोहोचली आणि बचाव कार्य सुरू केले.  

Edited By- Dhanashri Naik