गोव्यात दोन रशियन महिलांची निर्घृण हत्या, एकाला अटक

गोव्यात दोन रशियन महिलांची निर्घृण हत्या करण्यात आली आहे. या प्रकरणासंदर्भात एकाला अटक करण्यात आली आहे.

मिळालेल्या माहितीनुसार गोव्यात एक धक्कादायक घटना समोर आली आहे. दोन रशियन महिलांची निर्घृण हत्या करण्यात आली आहे. या घटनेमुळे परिसरात खळबळ उडाली आहे. या प्रकरणासंदर्भात पोलिसांनी एकाला अटक केली आहे.

उत्तर गोव्यातील अरामबोल आणि मोरजिम गावात ही घटना घडली. १४ आणि १५ जानेवारी रोजी येथे दोन रशियन महिलांची हत्या करण्यात आली होती. या हत्येप्रकरणी अलेक्सी लिओनोव्ह या रशियन पुरूषाला अटक करण्यात आली आहे.  एका अधिकाऱ्याने सांगितले की, "आरोपीने १४ जानेवारी रोजी मोरजिममधील त्याच्या मैत्रिणी एलेना वनेवा हिची तिच्या खोलीत चाकूने वार करून हत्या केली. वनेवाच्या घरमालकाने दिलेल्या तक्रारीनुसार, ही घटना रात्री ११ वाजल्यानंतर घडली." "त्यानंतर, १५ जानेवारी रोजी संध्याकाळी, आरोपी त्याच्या मैत्रिणी एलेना कास्तानोवा हिला आठ किलोमीटर अंतरावर असलेल्या अरंबोल गावात भेटायला गेला. त्याने तिला बांधले आणि नंतर तिचा गळा कापला."

पोलिसांनी सांगितले की शुक्रवारी दोघींचेही मृतदेह सापडले. आरोपीला पोलिसांनी अटक केली आहे आणि तपास सुरू आहे.

Edited By- Dhanashri Naik