पाकिस्तानमध्ये एलपीजी टँकरमध्ये भीषण स्फोट, 6 ठार, 31 जखमी
पाकिस्तानच्या पंजाब प्रांतात एलपीजीने भरलेल्या टँकरमध्ये झालेल्या स्फोटात एका अल्पवयीन मुलीसह सहा जणांचा मृत्यू झाला. सोमवारी याबाबत माहिती देताना अधिकाऱ्यांनी सांगितले की, या घटनेत 31 जण जखमी झाले आहेत. बचाव अधिकाऱ्यांनी दिलेल्या माहितीनुसार, मुल्तानमधील हमीदपूर कनौरा भागातील औद्योगिक परिसरात हा भीषण अपघात झाला.
सोमवारी टँकरचा स्फोट झाल्यानंतर भीषण आग लागल्याचे जिओ न्यूजने म्हटले आहे. स्फोटानंतर वाहनातील मलबा आजूबाजूच्या निवासी वस्त्यांवर पडला, त्यामुळे मोठे नुकसान झाले. घटनेनंतर लगेचच आग विझवण्यासाठी 10 हून अधिक फायर इंजिन आणि फोमवर आधारित उपकरणे वापरण्यात आल्याचे बचाव अधिकाऱ्यांनी सांगितले. अनेक तासांच्या अथक परिश्रमानंतर आग आटोक्यात आणण्यात आली.
सुरुवातीच्या अहवालात पाच जणांचा मृत्यू झाल्याची पुष्टी करण्यात आली होती, परंतु एका घरात आणखी एक मृतदेह आढळल्याने मृतांची संख्या सहा झाली. मृतांमध्ये एक अल्पवयीन मुलगी आणि दोन महिलांचा समावेश आहे. पोलिसांनी दिलेल्या माहितीनुसार, स्फोटाच्या ठिकाणी सुमारे 20 घरे पूर्णपणे उद्ध्वस्त झाली आहेत, तर 70 घरांचे अंशत: नुकसान झाले आहे.
Edited By - Priya Dixit
