कॅनडातील हिंदू मंदिरावरील हल्ल्याचा पंतप्रधान मोदींनी केला निषेध
पंतप्रधान नरेंद्र मोदी यांनी कॅनडातील हिंदू मंदिरावरील हल्ल्याचा तीव्र शब्दात निषेध केला. तसेच मोदी म्हणाले की, अशा प्रकारच्या हिंसाचारामुळे भारताचा संकल्प कधीही कमकुवत होणार नाही. कॅनडा सरकार न्याय सुनिश्चित करेल आणि कायद्याचे राज्य राखेल अशी आशाही त्यांनी व्यक्त केली.
मिळालेल्या माहितीनुसार रविवारी कॅनडातील ब्रॅम्प्टन येथील हिंदू सभा मंदिरात खलिस्तानी झेंडे घेऊन आलेल्या आंदोलकांनी नागरिकांवर हल्ला केला, त्यानंतर ओटावा येथील भारतीय उच्चायुक्ताने 'भारतविरोधी' घटकांच्या हल्ल्याचा निषेध करत तीव्र निवेदन जारी केले.
मोदींनी X वरील पोस्टमध्ये म्हटले आहे की, "कॅनडातील हिंदू मंदिरावर जाणीवपूर्वक केलेल्या हल्ल्याचा मी तीव्र शब्दात निषेध करतो. "अशा प्रकारच्या हिंसाचारामुळे भारताचा संकल्प कधीही कमकुवत होणार नाही. कॅनडा सरकारने न्याय सुनिश्चित करावा आणि कायद्याचे राज्य राखावे अशी आमची अपेक्षा आहे."
Edited By- Dhanashri Naik
